1 Korintiyan 2:15 - Di Jamiekan Nyuu Testiment

¹⁵ Di piipl we av Gad Spirit a liv iina dem, dem kyan andastan evriting bot piipl we no av di Spirit naa go kyan andastan dem.

1 Korintiyan 2:15 ပူးပေါင်းရင်းမြစ်များ

1 Tesaluoniyan 5:21

bot tes evriting. Eng aan pan wa gud,

Iibruu 5:14

Bot aad fuud a fi big piipl kaaz dem chrien demself fi nuo wa rait fram rang, so dem nuo ou fi luk pan tingz.

1 Jan 4:1

Mi fren, no biliiv iina evri spirit we se dem kom fram Gad. Wa yu fi du a tes di spirit dem fi si ef dem kom fram Gad fi chuu, kaaz a nof nof faalz prafit gaan out aal uova di worl.

1 Korintiyan 14:37

Ef enibadi se dem a wan a di piipl we kyari mesij chriet fram Gad ar dat dem av wan a di gif dem we di Uoli Spirit gi, dem fi si se wa mi a rait iina da leta ya, a di siem ting we Gad se wi fi du.

Gyalieshan 6:1

Breda an sista, ef unu fain se sumadi we iina di choch a liv iina sin, unu we a liv ou Gad Spirit se unu fi liv, mos karek dem bot tek taim wid dem. Tek kier so unu no faal iina sin tu.

Filipiyan 1:10

an fain out di sitn dem we rait. Mi prie se wen unu fain out dem sitn de unu wi liv rait so nobadi kyaahn paint no fingga pan unu wen Krais Jiizas kom bak,

1 Korintiyan 3:1

Breda an sista, bifuo mi kudn taak tu unu laik ou mi wuda taak tu piipl we av Gad Spirit a kanchuol dem. Mi did afi taak tu unu laik piipl we mek dem badi kanchuol dem — mi did afi taak tu unu laik se unu a biebi we no andastan di sitn dem bout Gad.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

Aks 16:3

Paal did waahn Timoti fi go wid im, so im mek Timoti get sorkomsaiz. Im du dis kaaz di Juu dem we did liv iina di ieriya did nuo se Timoti faada a did Griik. Dat miin se Timoti neva did sorkomsaiz.

Jan 7:17

Ef sumadi mek op dem main fi du wa Gad waahn dem fi du, dem a-go fain out ef a riili Gad gi mi wa fi tiich ar ef a mi jos a taak fi miself.

1 Jan 2:20

Krais Jiizas naint unu wid im spirit, so aal a unu nuo di chuut.