1 Korintiyan 2:13 - Di Jamiekan Nyuu Testiment

¹³ Dat a wa wi eva a priich tel unu. An wen wi a priich wi no yuuz no wod we di piipl we waiz se wi fi yuuz. Nuo, wen wi priich wi se di sitn dem we di Spirit tel wi fi se, so dat wi kyan mek unu we av di Spirit andastan aal a wa di Spirit shuo wi.

1 Korintiyan 2:13 ပူးပေါင်းရင်းမြစ်များ

1 Korintiyan 2:4

An wen mi did a tiich an a priich mi neva yuuz no fansi taak laik we di piipl dem we tingk dem waiz yuuz. Mi neva afi du dat fi mek unu biliiv kaaz Gad Spirit yuuz im powa fi shuo unu se aal a wa mi did a se a chuu sopm.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

1 Korintiyan 1:17

Kaaz a riili priich Krais Jiizas sen mi fi priich, no fi baptaiz piipl. An wen mi priich di Gud Nyuuz bout Jiizas mi neva yuuz no fansi wod fi chrai get unu fi biliiv, kaaz mi wudn waahn aal a wa Krais Jiizas du fi wi pan di kraas fi luuz powa.

1 Korintiyan 2:1

Breda an sista, wen mi did kom priich Gad chuu mesij tu unu, we nobadi neva ier bifuo, mi neva yuuz no big wod ar chrai fi soun waiz.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.

Ifiijan 5:19

Da wie de, wen unu a taak tu wan aneda, unu kyan yuuz saamz, sing som im, an sing di sang dem we di Spirit gi unu. Unu wi kyan sing an mek myuuzik bobl iina unu aat an priez di Laad.

1 Korintiyan 14:2

Kaaz di wan dem we taak iina tongz, dem naa taak tu piipl dem a taak tu Gad; nobadi kyan andastan dem. Di Uoli Spirit gi dem di powa fi taak bout tingz we nobadi no nuo ar andastan.

1 Korintiyan 9:11

Ef a wi plaant di gud sitn dem fram Gad Spirit iina unu aat, unu no tingk se wi shuda a get fram unu di sitn dem we wi niid fi liv?

Luuk 12:12

kaaz di Uoli Spirit wi tel unu wa fi se wen da taim de kom.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.