1 Korintiyan 16:9 - Di Jamiekan Nyuu Testiment

⁹ kaaz mi av a gud chaans fi du som wok dong de we wi elp fi siev piipl, iivn duo nof piipl we fait gens mi dong de.

1 Korintiyan 16:9 ပူးပေါင်းရင်းမြစ်များ

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

1 Korintiyan 15:32

Ef nobadi kyaahn kom bak alaiv, wa gud it du mi ef mi fait wid di piipl dem rait ya-so iina Efisos, we a fait mi laik se dem a wail animal? Ef nobadi kyaahn kom bak alaiv, “Mek wi nyam an jringk, kaaz tumaro wi mait-a ded.”

2 Korintiyan 1:6

So ef wi sofa, wi a sofa kaaz wi waahn fi elp unu an wi waahn unu fi kip chrang. An ef wi get elp, unu wuda a get elp tu. Kaaz unu wi nuo se wen unu a sofa laik wi, fi unu elp wi kom. An dat wi mek unu gwaan kip chrang wen chobl tek unu.

2 Korintiyan 2:12

Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

Filipiyan 3:18

Di sitn dem we mi a tel unu nou mi did tel unu bout dem nof taim aredi. An nou dat mi a tel unu agen, dem a mek mi baal kaaz nof a dem piipl de we a kaal demself Krais Jiizas falara, dem a muuv laik se dem a Krais Jiizas enimi — Krais Jiizas we ded pan di kraas.

Koloshan 4:3

An beg unu du, prie fi wi tu. Prie se Gad wi klier di wie, so wi kyan pred di siikrit mesij bout Krais Jiizas — di mesij we nobadi neehn nuo bout. A siek-a da mesij ya dem chien mi op an av mi a prizn ya-so nou.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.