1 Korintiyan 16:6 - Di Jamiekan Nyuu Testiment

⁶ An mi mait-a stie wid unu fi a taim, laik di uol a winta. Mi wi tan wid unu, so wen a taim fi go wan neda plies — unu kyan elp mi fi go we eva mi afi go.

1 Korintiyan 16:6 ပူးပေါင်းရင်းမြစ်များ

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 17:15

Di wan dem we go wid Paal siel wid im go klier a Atenz. Den afta Paal gi dem wan mesij fi tel Sailas an Timoti fi mikies kom tu im, dem lef im.

Aks 20:38

An wa mek dem baal so a kaaz im tel dem se dem naa go si im fies agen. Den dem fala im go a di ship.

Aks 21:5

An wen a did taim fi wi lef dem, wi shub out agen. Aal a dem wid dem waif an pikni fala wi outa di siti. Afta wi go dong pan wi nii an prie pan di biich,

Aks 27:12

Kaaz we di ship did de neva sief fi spen di winta, muos a uu did de pan di ship mek op dem main se dem naa tan de, so di kyaptin siel out. Dem did a luk se som ou dem wuda riich Fiiniks nier Kriit we di briiz did a bluo fram an spen di winta de.

Aks 28:11

Afta wi spen chrii mont de, wi lef iina wan ship we did kom fram Aligzanjriya an we did de pan di ailan fi di winta. Di ship di niem “Di Twin Gad.”

Ruoman 15:24

Wen mi a go a Spien, mi uop se mi kyan paas chuu an si unu an dat afta mi spen likl taim wid unu, unu wi elp mi fi go we mi a go.

1 Korintiyan 16:11

No mek nobadi luk dong pan im ar chriit im laik se im a notn. Unu mos elp im fi gwaan go wich paat im a-go iina piis, kaaz mi a luk fi im an di res a breda dem we a du Gad wok, fi kom bak tu mi.

2 Korintiyan 1:16

an so unu kuda elp wi fi go a Masiduoniya. An den wen wi lef Masiduoniya wi did plan fi kom bak kom luk fi unu so dat unu kuda elp wi fi go a Judiya.

Taitos 3:12

Wen mi sen Aatimas ar Taikikos tu yu, chrai yu bes fi kom miit mi a Nikapolis, kaaz mi a-go tan de til winta don.