1 Korintiyan 16:2 - Di Jamiekan Nyuu Testiment

² Pan di fos die a evri wiik, unu mos pudong paat a di moni we unu mek. Unu fi pudong moni bies pan ou Gad bles unu. Da wie de unu wi av di moni pudong an wi no afi go kalek op notn wen mi riich de.

1 Korintiyan 16:2 ပူးပေါင်းရင်းမြစ်များ

Aks 20:7

Pan di fos die a di wiik wen wi gyada op fi brok bred, Paal staat taak tu di piipl. An kaaz im did plan fi lef di neks die, Paal priich til migl nait.

Luuk 16:10

“Enibadi we yu kyan chos wid likl bit, yu kyan chos dem wid uol iip tu, an enibadi we yu kyaahn chos wid likl bit yu kyaahn chos dem wid uol iip niida.

Revilieshan 1:10

Pan di die wen piipl gyada fi worship di Laad, di Uoli Spirit tek kanchuol a mi. Den mi ier wan vais baka mi, an di vais loud an klier laik wan chompit.

Jan 20:19

Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

Luuk 24:1

Orli, orli Sonde maanin, di uman dem go a di tuum wid di spais we dem did luk bout.

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Maak 14:8

Shi du wa shi kuda du. Shi naint mi badi bifuo taim fi get mi redi fi dem beri mi.

2 Korintiyan 8:10

Nou mek mi tel unu wa mi tingk bout di sitn dem we unu a gyada op an a gi we: A unu it a-go elp, laik ou laas ier unu a did di fos wan dem fi gyada op wa unu kyan an gi tu ada piipl, an unu gi kaaz a dat unu did waahn fi du, nobadi neva afi aks unu fi du it.