1 Korintiyan 16:18 - Di Jamiekan Nyuu Testiment

¹⁸ An dem mek mi aat api siem laik ou dem mek fi unu aat api. So lisn gud tu wa piipl laik dem av fi se.

1 Korintiyan 16:18 ပူးပေါင်းရင်းမြစ်များ

Failiiman 1:7

Failiiman, mi breda, yu lov fi Gad piipl, du mi aat gud an gi mi chrent. Yu lov kaaz aal a Gad piipl fi api.

2 Korintiyan 7:13

An dat mek wi fiil gud iina wi aat. So wi did api wen Taitos tel wi bout unu, bot wi did get iivn muor api wen wi si ou unu mek Taitos api kaaz unu did fala aal a wa im tel unu.

1 Tesaluoniyan 5:12

Breda an sista, nou wi a beg unu fi rispek di piipl dem we a wok aad mongks unu, an we a liid an tiich unu.

Koloshan 4:8

Mi sen im tu unu so im kyan tel unu ou wi a du, an elp push unu fi gwaan an mek unu fiil api agen.

Ruoman 15:32

So prie bout dem sitn de so dat mi kyan kom luk fi unu, ef dat a wa Gad waahn, an dat wen mi kom mi aat wi api an mi kyan get som res wail mi dong de wid unu.

3 Jan 1:4

Notn no mek mi api so laik wen mi ier se mi pikni dem a liv ou di Laad se dem fi liv — azkaadn tu di chuut.

Failiiman 1:20

Mi breda mi wish se yu wuda du mi da fieva ya an mek mi api, sins mi an yu biliiv iina di siem Gad.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.