1 Korintiyan 16:11 - Di Jamiekan Nyuu Testiment

¹¹ No mek nobadi luk dong pan im ar chriit im laik se im a notn. Unu mos elp im fi gwaan go wich paat im a-go iina piis, kaaz mi a luk fi im an di res a breda dem we a du Gad wok, fi kom bak tu mi.

1 Korintiyan 16:11 ပူးပေါင်းရင်းမြစ်များ

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

Aks 15:33

Afta Juudas an Sailas spen kopl wiik wid dem, di choch piipl dem prie fi Gad bles dem an mek im piis protek dem an sen dem bak tu di liida dem iina Jeruusilem we did sen dem kom Antiyak.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

1 Korintiyan 16:10

Nou ef Timoti kom tu unu, mek shuor se unu no du notn we wi kaaz im fi fried a unu. Tek im iin an chriit im gud, kaaz jos laik mi, im a du Gad wok.

1 Korintiyan 16:6

An mi mait-a stie wid unu fi a taim, laik di uol a winta. Mi wi tan wid unu, so wen a taim fi go wan neda plies — unu kyan elp mi fi go we eva mi afi go.

3 Jan 1:6

Dem tel di choch ou yu lov dem. So mi a beg yu, sen dem pan dem wie jos laik ou yu nuo Gad wuda waahn yu fi du.

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

Luuk 10:16

Fi don we im a se, Jiizas se tu im sevnti-tuu falara dem, “Enibadi we lisn tu unu lisn tu mi. Enibadi we ton dem bak pan unu, ton dem bak pan mi. Dem we ton dem bak pan mi ton dem bak pan di wan we sen mi.”

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

2 Korintiyan 1:16

an so unu kuda elp wi fi go a Masiduoniya. An den wen wi lef Masiduoniya wi did plan fi kom bak kom luk fi unu so dat unu kuda elp wi fi go a Judiya.