1 Korintiyan 16:1 - Di Jamiekan Nyuu Testiment

¹ Nou bout di moni we unu niid fi kalek op fi elp Gad piipl dem — di siem ting we mi tel di piipl dem a di choch iina Gyaliesha fi du, a di siem ting mi waahn unu fi du.

1 Korintiyan 16:1 ပူးပေါင်းရင်းမြစ်များ

1 Jan 3:17

Ef nobadi si im breda ar sista riili shaat a sopm an no elp dem iivn duo im kuda elp dem, ou da sumadi de a-go se Gad lov iina im aat?

Ruoman 12:13

Ef unu choch breda an sista no av wa dem niid, unu fi shier wa unu av wid dem an unu mos eva redi fi tek iin piipl we a chravl an naa no we fi stie.

Gyalieshan 2:10

Di onggl ting dem aks wi fi du a memba di puo, an dat a di sed ting mi did wel waahn du.

Aks 24:17

“Afta mi did kip we fram Jeruusilem fi kopl ier, mi go bak fi kyari som moni fi gi mi uona piipl fi elp di puor an fi bon sakrifais gi Gad.

Failiiman 1:7

Failiiman, mi breda, yu lov fi Gad piipl, du mi aat gud an gi mi chrent. Yu lov kaaz aal a Gad piipl fi api.

Failiiman 1:5

kaaz mi ier bout ou yu chos iina di Laad Jiizas an ou yu lov aal a Gad piipl.

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.

Aks 11:30

Dem sen di moni wid Baanabas an Saal go gi di choch liida dem a Jeruusilem.

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Gyalieshan 1:2

A mi an di uol a di breda dem we de ya wid mi a rait da leta ya, an it a fi aal a di piipl dem we go di choch dem iina Gyaliesha.

Aks 18:23

Afta im tan de fi a likl wail, Paal lef an chravl chuu Gyaliesha an Frijiya a tel di choch dem fi tan op chrang fi wa dem biliiv.

Aks 11:28

Wan a dem we niem Agabos tan op fi priich. Di Uoli Spirit tek kanchuol a im an mek im taak bout ou wan torbl staavieshan a-go tek di uol worl. (Wa Agabos se apm wen taim Klaadiyos did a ruul uova Ruom.)

Aks 9:41

Im uol ar an an elp ar tan op. Den im kaal aal a Gad piipl, an di uman dem uufa ozban dem did ded tu an shuo dem se Daakas kom bak alaiv.

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

1 Korintiyan 11:34

Ef sumadi onggri mek dem nyam a dem yaad, so dat wen unu gyada tugeda unu no bring dong jojment pan unuself. Wen mi kom, mi wi gi unu som muor ruul bout som ada tingz we mi waahn unu fi fala.

1 Korintiyan 16:15

Nou breda an sista, unu nuo bout Stefanos an im fambili. Dem a did di fos set a piipl iina Akaiya fi biliiv iina Gad an get siev. An dem du aal we dem kyan du fi elp Gad piipl dem. So mi a beg unu