1 Korintiyan 15:9 - Di Jamiekan Nyuu Testiment

⁹ Kaaz di res a apasl dem beta dan mi. Mi no gud inof fi dem iivn kaal mi wan apasl kaaz mi yuus tu mek Gad piipl sofa bad bad an mi aal did kil aaf som a dem.

1 Korintiyan 15:9 ပူးပေါင်းရင်းမြစ်များ

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

Aks 8:3

Bot Saal staat wok aad aad fi mash op di choch. Im did a go fram ous tu ous an a jrag out man an uman an fling dem iina prizn.

Gyalieshan 1:23

Dem did onggl ier bout mi. Dem ier se, “Paal, di wan we mek nof a Gad piipl sofa an we chrai mash op nof choch, chienj im wiez an ton roun nou a tiich di mesij bout Jiizas. Im staat du di siem sitn we im did a chrai fi tap.”

Filipiyan 3:6

Mi did so siiros fi du we mi tingk Gad di se fi du dat mi yuus tu mek Jiizas piipl dem sofa bad bad, kaaz mi did tingk dem did a go gens Gad. Wen it kom tu du we di Laa se, notn neva lef we mi neva du. So nobadi kudn paint no fingga pan mi.

Gyalieshan 1:13

Kaaz unu ier bout ou mi did stie wen mi did a worship Gad laik ou di Juu dem worship Gad. Unu ier bout ou mi yuus tu go roun an a mek Gad piipl sofa bad bad an a mash op dem choch.

2 Korintiyan 11:5

Mi no tingk se fi unu “big apasl” dem beta dan mi.

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.