1 Korintiyan 15:47 - Di Jamiekan Nyuu Testiment

⁴⁷ Di fos man, Gad tek dot mek fi im badi, bot di sekan man, fi im badi kom fram evn.

1 Korintiyan 15:47 ပူးပေါင်းရင်းမြစ်များ

Jan 3:31

“Di sumadi we kom fram op a tap, biga an beta dan evribadi. Di sumadi we kom fram ort bilang tu di ort, an im taak bout wa gwaan pan di ort. Di sumadi we kom fram op a tap, biga an beta dan evribadi.

2 Korintiyan 5:1

Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

1 Korintiyan 15:45

It aal rait dong iina Gad wod se, “Di fos man, Adam, Gad did afi mek im — Gad did afi gi im laif.” Bot di laas Adam, im a-go bi wan spirit we kyan gi piipl laif.

Luuk 2:11

Di wan we a-go siev unu baan tide iina di toun we Dievid kom fram. Im a Krais, di Laad.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Jan 6:33

Kaa, di sumadi we kom dong fram outa evn an we gi laif tu di piipl dem we de iina di worl a im a di fuud we Gad gi.”

Matyu 1:23

Di prafit did se, “Lisn op! Di uman we neehn sliip wid no man a-go get biebi — a wan bwai shi a-go av, an dem a-go kaal im Imanyuwel.” Da niem de miin, “Gad de ya wid wi.”

1 Korintiyan 15:46

Di spirit badi neva kom fos, a di badi we mek outa flesh an blod kom fos. Afta da badi de, den di spirit badi kom.