1 Korintiyan 15:44 - Di Jamiekan Nyuu Testiment

⁴⁴ Wen yu badi beri, it mek op a buon an blod, bot wen Gad mek it kom bak alaiv, it a-go bi wan spirit. Siem laik ou yu av wan badi we mek op a buon an blod, a siem so yu av wan badi we a spirit.

1 Korintiyan 15:44 ပူးပေါင်းရင်းမြစ်များ

1 Korintiyan 15:50

Mi breda an sista, dis a wa mi a chrai fi se tu unu, notn we mek op a buon an blod kyan tek paat iina Gad kindom. An sitn we ded kyaahn liv fi eva a di siem taim, a dat mek di badi we wi av nou, a no di badi wi a-go av wen Gad mek wi kom bak alaiv.

Luuk 24:31

Den dem pik op se Jiizas a di man dem did a taak tu bot siem taim — braps, im disapier!

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Jan 20:19

Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.