1 Korintiyan 15:34 - Di Jamiekan Nyuu Testiment

³⁴ Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

1 Korintiyan 15:34 ပူးပေါင်းရင်းမြစ်များ

1 Korintiyan 6:5

Mi a se dis fi shiem unu. Unu miin fi se dat nobadi no de mongks unu we waiz inof fi diil wid dem sitn ya?

Ruoman 13:11

Dat a wa unu mos du kaaz unu nuo di taim wi a liv iina. Unu nuo se a taim nou fi wiek op an tap sliip, kaaz wi kluosa nou tu di die wen Gad a-go siev wi dan wen wi did fos staat biliiv iina Krais Jiizas.

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

1 Korintiyan 8:7

Bot a no evribadi nuo dis. Som piipl get so yuus tu worship faalz gad dat wen dem iit di fuud dem stil tingk se a wan sakrifais tu di faalz gad dem. An chuu dem stil yong iina wa dem biliiv, dem tingk se dem a sin wen dem nyam da fuud de.

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

Jan 8:11

“No iivn a suol, sar,” shi se. “Den mi naa go se yu fi ded siek-a we yu du niida,” Jiizas se tu ar. “Gwaan nou, an no sin no muor.”

Jan 5:14

Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

1 Tesaluoniyan 4:5

Unu no fi go roun an a dabl-dabl iina seks sin laik di worliyan dem we no nuo Gad.

Matyu 22:29

So Jiizas se tu dem se, “Unu a se ded piipl naa kom bak alaiv — bwai unu rang, kaa unu no nuo we Gad wod se, an unu no nuo Gad powa.

Aks 26:8

Wa mek unu Juu mek op unu main no fi biliiv se Gad mek sumadi we ded kom bak alaiv?

1 Korintiyan 4:14

Mi naa rait dem sitn ya fi shiem unu. Mi a rait dem fi tiich unu kaaz unu a laik mi pikni dem an mi lov unu.