1 Korintiyan 15:26 - Di Jamiekan Nyuu Testiment

²⁶ An di laas enimi we im a-go get rid a, a det.

1 Korintiyan 15:26 ပူးပေါင်းရင်းမြစ်များ

2 Timoti 1:10

Nou Jiizas Krais wi sievya shuo wi ou im kain wen im kom an mek it so dat wi kyaahn ded. Im tiich di Gud Nyuuz so dat wi kuda andastan wa it miin fi liv fi eva.

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

1 Korintiyan 15:55

“Ou yu fi se yu win iihn det? A wich paat yu powa de?”

Revilieshan 20:14

Den det an di plies we ded piipl de get fling dong iina di liek a faiya. Dis a di laas taim piipl a-go ded. Di liek a faiya a di laas det.

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

Luuk 20:36

An dem naa go kyan ded agen, kaaz dem komiin laik ienjel an dem a Gad pikni. Dem a Gad pikni kaaz Gad mek dem kom bak alaiv.

Revilieshan 20:13

Aal a di ded piipl dem we did iina di sii go bifuo Gad fi go get joj. An aal uu did iina di plies we ded piipl de kom bak alaiv an go bifuo Gad fi go get joj fi aal we dem did du.