1 Korintiyan 15:23 - Di Jamiekan Nyuu Testiment

²³ Bot evribadi naa go kom bak alaiv siem taim, evribadi av dem uona taim. Gad mek Jiizas Krais kom bak alaiv fos, an wen Jiizas Krais kom bak agen, di piipl we biliiv iina im an we ded, dem a-go kom bak alaiv tu.

1 Korintiyan 15:23 ပူးပေါင်းရင်းမြစ်များ

Gyalieshan 3:29

An ef unu bilang tu Krais Jiizas, den unu a Iebriyam pikni an aal a di sitn dem we Gad pramis fi gi Iebriyam, unu wi get tu.

1 Korintiyan 15:52

An wi a-go chienj faas tu, bifuo yu kyan kwint yu yai it apm. Wen dem bluo di laas aan, Gad wi mek di ded piipl dem kom bak alaiv an di badi we im a-go gi dem naa go kyan ded agen. An im a-go chienj di uol a wi.

1 Korintiyan 15:20

Bot di chuut a dat Jiizas Krais did kom bak alaiv. An im mek wi nuo fi shuor se Gad a-go mek ada piipl we ded an we biliiv iina im kom bak alaiv tu.

2 Korintiyan 10:7

Unu onggl luk pan wa de pan di outsaid. Ef enibadi fiil shuor se dem bilang tu Krais Jiizas, mek dem tingk bout dis, siem laik ou unu bilang tu Jiizas, a siem so wi bilang tu im tu.

1 Tesaluoniyan 2:19

Mi did waahn kom luk fi unu. Kaaz aftaraal, a uu mek wi kyan luk faawod fi di die wen wi Laad kom bak, kaaz wi nuo fi shuor se unu a-go gwaan biliiv iina im. An a uu mek wi api so? Ar uu mek wi a-go kyan buos infronta im wen im kom bak, buos laik se wi win medal? iihn? No unu!

Gyalieshan 5:24

Di piipl dem we bilang tu Jiizas Krais no mek dem badi ruul dem. Dem no du di wikid sitn dem we dem badi wel waahn du, dem tap dem sitn de. It komiin laik se dem niel dem op pan di kraas an kil dem.

1 Korintiyan 3:23

An unu bilang tu Krais Jiizas, an Krais Jiizas bilang tu Gad.

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 16:28

Mi a tel unu dis, an a chuu mi a taak, som a unu we tan op ya-so naa go ded bifuo unu si di Man we Gad Pik a kom ruul az king.”

Aks 26:23

Dem se di wan we Gad sen fi siev piipl did afi ded so im kuda bi di fos wan fi kom bak alaiv an fi mek piipl we a Juu an piipl we a no Juu nuo se dem kyan get siev, an da mesij de a-go komiin laik lait tu dem.”

1 Korintiyan 6:14

Gad yuuz im powa an mek di Laad kom bak alaiv, an im a-go mek wi liv agen tu.

Filipiyan 3:11

so dat, iina som kain-a wie, mi kyan en op mongks di wan dem we kom bak alaiv afta dem ded.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.