1 Korintiyan 15:14 - Di Jamiekan Nyuu Testiment

¹⁴ An ef Jiizas Krais neva kom bak alaiv, den wi a priich fi notn an wa unu biliiv no mek no sens an no wot notn niida.

1 Korintiyan 15:14 ပူးပေါင်းရင်းမြစ်များ

1 Korintiyan 15:17

Ef Krais Jiizas neva kom bak alaiv den wa unu biliiv naa no yuus, an unu neva get siev niida. Gad stil a-go ponish unu fi unu sin.

1 Tesaluoniyan 4:14

Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

Jiemz 2:20

Ou unu so fuul-fuul! Unu waahn mi shuo unu se, ef sumadi se dem biliiv sopm bot no av no wok fi bak op wa im se im biliiv, it no wot notn?

Gyalieshan 2:2

Mi go bak de kaaz Gad did mek mi nuo se a de-so im waahn mi fi go. An wen mi dong de mi miit wid di liida dem — dem wan, an mek dem ier di mesij we mi did a priich tu di piipl dem we a no Juu. Mi mek dem ier it so dat dem wuda nuo se mi a tiich di chuut an so dat aal a di wok we mi did a du, wudn kom tu notn.

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

Matyu 15:9

An it no mek sens dem worship mi, wen dem a tiich man-mek ruul laik se dat a fi mi ruul.’ ”

1 Korintiyan 15:2

A da mesij ya we wi siev unu ef unu uol aan pan it chrang an kip it iina unu aat. Bot ef unu tap biliiv, di biliiv we unu yuus tu biliiv iina Krais a did fi notn.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

1 Korintiyan 15:13

Bot ef nobadi kyaahn kom bak alaiv, den Krais Jiizas kudn kom bak alaiv niida.