1 Korintiyan 15:13 - Di Jamiekan Nyuu Testiment

¹³ Bot ef nobadi kyaahn kom bak alaiv, den Krais Jiizas kudn kom bak alaiv niida.

1 Korintiyan 15:13 ပူးပေါင်းရင်းမြစ်များ

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

1 Tesaluoniyan 4:14

Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

1 Korintiyan 15:20

Bot di chuut a dat Jiizas Krais did kom bak alaiv. An im mek wi nuo fi shuor se Gad a-go mek ada piipl we ded an we biliiv iina im kom bak alaiv tu.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

Aks 23:8

Kaaz di Sadyusii dem se nobadi kyaahn ded an kom bak alaiv, no ienjel no de, ar no spirit no de, bot di Farisii dem biliiv iina aal a dem sitn de.

1 Korintiyan 15:12

Nou ef wi a priich se Krais Jiizas kom bak alaiv, ou som a unu kyan a se dat nobadi kyaahn kom bak alaiv?

1 Korintiyan 15:14

An ef Jiizas Krais neva kom bak alaiv, den wi a priich fi notn an wa unu biliiv no mek no sens an no wot notn niida.