1 Korintiyan 14:4 - Di Jamiekan Nyuu Testiment

⁴ Di piipl we taak iina tongz onggl a bil op demself bot di piipl we kyari mesij fram Gad a elp fi bil op di choch.

1 Korintiyan 14:4 ပူးပေါင်းရင်းမြစ်များ

1 Korintiyan 14:22

So den di piipl we taak iina tongz, dem a wan sain fi di piipl dem we no biliiv iina Gad, dem a no fi piipl we biliiv. Bot di piipl dem we kyari mesij fram Gad, dem a fi di piipl we biliiv iina Gad, no fi di wan dem we no biliiv.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

Maak 16:17

Di wan dem we biliiv a-go get powa fi du dem sitn ya: dem wi yuuz fi mi niem an ron out diiman, dem wi taak som nyuu langwij,

1 Korintiyan 14:12

So sins unu a chrai aad fi get di gif dem we di Uoli Spirit gi, muo dan eniting els unu fi chrai fi get di wan dem we wi elp fi bil op di choch.

1 Korintiyan 14:5

Nou mi waahn aal a unu fi kyan taak iina tongz bot muo dan dat mi waahn unu fi kyan kyari mesij fram Gad kom tel di piipl dem. Kaaz di wan dem we kyari mesij fram Gad muo impuotant dan di wan dem we taak iina tongz, ef wen dem taak iina tongz dem kyaahn tel wi wa it miin.

1 Korintiyan 14:3

Bot di wan dem we di Spirit lou fi kyari mesij fram Gad, dem a taak fi piipl andastan. Di mesij we dem kyari elp piipl fi get chrang iina wa dem biliiv, push dem fi gwaan biliiv an elp dem wen dem sad.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

Ruoman 14:19

So den mek wi aalwiez chrai fi du di sitn dem we kaaz piipl fi liv iina piis an we wi elp fi bil op wi wan aneda.

1 Korintiyan 12:10

Som piipl, Gad Spirit mek dem kyan wok mirikl. Wan neda set a piipl, di Spirit mek dem kyan priich Gad mesij. Ada piipl di Spirit gi dem di powa fi nuo ef a Gad Spirit a mek som piipl kyan du sortn tingz ar ef a som ada spirit a mek dem du it. Di Spirit aal mek som piipl kyan taak iina tongz an a di siem Spirit kaaz ada piipl fi andastan dem.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

1 Korintiyan 13:1

Ef mi kuda taak aal a di langwij dem iina di worl, aal taak di langwij wa di ienjel dem yuuz bot no av lov iina mi aat, mi komiin laik wan bel ar wan metal pan we jos a mek naiz.