1 Korintiyan 14:34 - Di Jamiekan Nyuu Testiment

³⁴ Di uman dem no fi taak wen choch a kip, an dem no fi inchaaj niida, a so di Laa se.

1 Korintiyan 14:34 ပူးပေါင်းရင်းမြစ်များ

Koloshan 3:18

Aal unu we a waif, unu fi lisn unu ozban, rispek im an nuo se a im inchaaj, kaaz a dat di Laad waahn unu fi du.

1 Korintiyan 14:35

Ef dem av sopm we dem waahn aks bout, mek dem aks dem ozban wen dem go a dem yaad. Kaaz ef wan uman taak wail choch a kip a shiem shi a shiem arself.

Taitos 2:5

Dem wi lorn ou fi ron dem ous. Di uolda uman dem wi elp di yongga wan dem lorn ou fi kanchuol demself, liv wan gud an kliin laif, an fi fala wa dem ozban se. So dat nobadi kyaahn se notn bad bout Gad wod.

1 Korintiyan 11:5

Bot eni uman we prie an pred Gad mesij tu piipl an no kova op ar ed, a shiem shi a bring dong shiem pan ar ozban. Siem laik ou a shiem wan uman wuda a shiem arself ef shi kot aaf aal a ar ier.

1 Korintiyan 11:3

Bot mi waahn unu fi andastan se Krais, im a di ed fi evri man, evri ozban a di ed fi im waif, an Gad a di ed fi Krais.

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

1 Korintiyan 14:21

It rait dong iina Gad wod dat di Laad se: “Mi a-go sen piipl we taak aal kain-a chrienj langwij an we kom fram nof difrant konchri fi taak tu dem piipl ya, an dem stil naa go lisn tu mi iivn afta mi du aal a dat.”

1 Korintiyan 11:13

Tingk bout dis an ansa da kwestiyan ya fi unuself: It rait fi wan uman prie tu Gad an no kova op ar ed?