1 Korintiyan 14:11 - Di Jamiekan Nyuu Testiment

¹¹ Ef sumadi a taak wan langwij we mi no andastan mi a-go tingk se dem kom fram wan neda konchri. An dem a-go tingk se mi kom fram wan difrant konchri tu.

1 Korintiyan 14:11 ပူးပေါင်းရင်းမြစ်များ

Aks 28:2

Di piipl dem shuo wi gud fies an chriit wi wel gud. An kaaz rien did staat faal an it did kuol, dem kech op faiya fi wi.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

1 Korintiyan 14:21

It rait dong iina Gad wod dat di Laad se: “Mi a-go sen piipl we taak aal kain-a chrienj langwij an we kom fram nof difrant konchri fi taak tu dem piipl ya, an dem stil naa go lisn tu mi iivn afta mi du aal a dat.”

Ruoman 1:14

It komiin laik se mi a evribadi sorvant. Gad sen mi fi priich di Gud Nyuuz tu di Griik piipl dem an tu di piipl dem we a no Griik. Im sen mi fi priich tu piipl we waiz an nuo nof, an tu piipl we no nuo notn.

Aks 28:4

Wen di piipl si se di siniek eng an pan Paal an, dem se tu wan aneda se, “Da man ya a mos wan mordara! Iivn duo im get we fram di sii, di gad we niem Jostis se im no fi liv.”

1 Korintiyan 14:10

A nof difrant langwij de iina di worl an iina evri wan a dem, di wod dem miin sopm, so piipl kyan andastan dem.