1 Korintiyan 14:1 - Di Jamiekan Nyuu Testiment

¹ So muo dan eniting els, unu fi waahn fi lov ada piipl, bot unu fi wel waahn di gif dem we di Uoli Spirit gi tu. An di gif we unu fi waahn di muos a di wan we lou unu fi kyari mesij chriet fram Gad.

1 Korintiyan 14:1 ပူးပေါင်းရင်းမြစ်များ

1 Korintiyan 14:39

So mi breda an sista, unu fi wel waahn di Uoli Spirit gi unu di gif we wi mek unu kyan kyari mesij chriet fram Gad. An unu no fi tel nobadi se dem no fi taak iina tongz,

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

1 Timoti 4:14

No figet bout di gif we di Uoli Spirit gi yu, mek shuor se yu yuuz it. A da gif de yu did get wen di prafit dem did taak uova yu an di elda dem did put dem an pan yu an prie.

1 Korintiyan 16:14

Mek shuor se evriting we unu du, a siek-a di lov we de iina unu aat.

1 Korintiyan 12:1

Nou breda an sista, mi waahn unu fi andastan evriting bout di gif dem we di Uoli Spirit gi.

1 Korintiyan 13:13

So nou a chrii tingz lef we wi fi gwaan du: chos iina Gad, gwaan biliiv se im a-go gi wi wa im se im a-go gi wi an fi lov wi wan aneda. Outa aal a dem di muos impuotant wan a lov.

1 Tesaluoniyan 5:20

No se di mesij we piipl kliem se dem get fram Gad a fuulinish,

1 Timoti 6:11

Bot aal laik yu Timoti we a wan man a Gad, yu fi ron fram dem wikid sitn de. Yu fi chrai yu bes fi liv ou Gad waahn yu fi liv an fi liv di sitn dem we yu tiich. Yu mos gwaan tiich di Wod an chos se Gad wi gi yu chrent. No gi op, shuo lov an tek yu taim wid piipl tu.

1 Korintiyan 14:37

Ef enibadi se dem a wan a di piipl we kyari mesij chriet fram Gad ar dat dem av wan a di gif dem we di Uoli Spirit gi, dem fi si se wa mi a rait iina da leta ya, a di siem ting we Gad se wi fi du.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

Ifiijan 1:3

Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.

1 Korintiyan 12:31

So unu fi set unu aat pan di muor impuotant gif dem. An nou mi a go shuo unu wan wie we beta.

3 Jan 1:11

Mi breda, no fala bad kompni. Enibadi we du wa rait kom fram Gad. Enibadi we lov du we rang no nuo Gad.

2 Piita 1:7

An no jos dat, bot unu fi lov an kier bout unu wan aneda tu. An pan tap a aal a dat unu fi lov evribadi fram di batam a unu aat.

Ruoman 12:6

Gad gi wi difrant difrant gif — im mek wi kyan du difrant sopm. Ef Gad gi sumadi di powa fi priich im mesij, den dem fi priich bies pan di fiet we dem av.

2 Timoti 2:22

So ron we fram di wikid sitn dem we di yong piipl dem waahn fi du an chrai aad aad fi du we rait. Yu mos liv ou Gad waahn yu fi liv an yu fi shuo lov an tek taim wid ada piipl. Chos iina Jiizas an no gi op. Timoti dis a wa yu fi du. An aal a di piipl dem we worship Gad wid wan kliin aat fi du it tu.

Ruoman 9:30

So den wa wi kyan se bout aal a dat? Wi kyan se dat di piipl we a no Juu, dem neva did a luk fi Gad put tingz rait wid dem, bot Gad mek tingz rait bitwiin im an dem kaaz dem chos iina im.

Ruoman 14:19

So den mek wi aalwiez chrai fi du di sitn dem we kaaz piipl fi liv iina piis an we wi elp fi bil op wi wan aneda.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

1 Korintiyan 14:22

So den di piipl we taak iina tongz, dem a wan sain fi di piipl dem we no biliiv iina Gad, dem a no fi piipl we biliiv. Bot di piipl dem we kyari mesij fram Gad, dem a fi di piipl we biliiv iina Gad, no fi di wan dem we no biliiv.