1 Korintiyan 13:9 - Di Jamiekan Nyuu Testiment

⁹ Kaaz Gad no shuo wi evriting an wi no nuo evriting we im nuo. So di gif dem we di Uoli Spirit gi wi a jos fi wan taim,

1 Korintiyan 13:9 ပူးပေါင်းရင်းမြစ်များ

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

1 Korintiyan 8:2

Di piipl dem we tingk se dem nuo sopm no riili nuo it yet laik ou dem fi nuo it.

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Ruoman 11:34

Kaaz “Uu nuo wa di Laad a tingk? Uu kyan tel im wa im fi du ar wa im no fi du?

1 Korintiyan 13:10

wen Jiizas Krais kom bak an evriting don wid, wi naa go niid dem gif de agen.