1 Korintiyan 13:8 - Di Jamiekan Nyuu Testiment

⁸ Chuu lov neva eva tap — it kyaahn ded. Bot wan die di piipl dem we kyari mesij chriet fram Gad, a-go tap kyari mesij. An di piipl dem we taak iina tongz, wan die dem a-go tap taak iina tongz. An di piipl we kyan andastan di tingz dem we Gad shuo wi, wan die dem a-go tap tu.

1 Korintiyan 13:8 ပူးပေါင်းရင်းမြစ်များ

1 Korintiyan 13:13

So nou a chrii tingz lef we wi fi gwaan du: chos iina Gad, gwaan biliiv se im a-go gi wi wa im se im a-go gi wi an fi lov wi wan aneda. Outa aal a dem di muos impuotant wan a lov.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Iibruu 8:13

Wen di Laad se di pramis we im mek a wan ‘nyuu’ wan, im miin se di fos wan naa yuuz agen. An ef sitn naa yuuz, an a get uol, den it suun gaan an don fa.

1 Korintiyan 13:10

wen Jiizas Krais kom bak an evriting don wid, wi naa go niid dem gif de agen.

1 Korintiyan 12:10

Som piipl, Gad Spirit mek dem kyan wok mirikl. Wan neda set a piipl, di Spirit mek dem kyan priich Gad mesij. Ada piipl di Spirit gi dem di powa fi nuo ef a Gad Spirit a mek som piipl kyan du sortn tingz ar ef a som ada spirit a mek dem du it. Di Spirit aal mek som piipl kyan taak iina tongz an a di siem Spirit kaaz ada piipl fi andastan dem.

Aks 19:6

An wen Paal put im an pan dem, di Uoli Spirit tek kanchuol a dem, an dem staat taak iina wan chrienj wie we nobadi no nuo ar andastan, an gi out mesij we kom fram Gad.

Luuk 22:32

Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

1 Korintiyan 14:39

So mi breda an sista, unu fi wel waahn di Uoli Spirit gi unu di gif we wi mek unu kyan kyari mesij chriet fram Gad. An unu no fi tel nobadi se dem no fi taak iina tongz,

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

1 Korintiyan 8:2

Di piipl dem we tingk se dem nuo sopm no riili nuo it yet laik ou dem fi nuo it.