1 Korintiyan 13:5 - Di Jamiekan Nyuu Testiment

⁵ Dem no disrispek ada piipl an dem no du tingz fi elp demself wan. Piipl we av lov iina dem aat no iizi fi get beks an dem no av op piipl iina dem aat.

1 Korintiyan 13:5 ပူးပေါင်းရင်းမြစ်များ

1 Korintiyan 10:24

Nobadi fi a luk out fi demself wan, dem fi a luk out fi dem nieba dem tu.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Filipiyan 2:21

Kaaz evribadi els onggl a luk out fi demself. Dem no bizniz bout notn we Jiizas Krais kier bout.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.

1 Korintiyan 12:25

Im mek it da wie de so dat di difrant difrant paat dem iina di badi wi wok tugeda an fi mek shuor se dem tek kier a dem wan aneda.

2 Korintiyan 5:19

Wa mi a se a dat Gad yuuz Jiizas fi mek tingz rait bitwiin im an di uol worl. Gad naa uol dem sin gens dem an im sen wi fi tel piipl bout ou im mek tingz rait bitwiin dem an im.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

1 Korintiyan 11:18

Fos ting fos, mi ier se wen unu gyada tugeda fi av choch unu plit op iina gruup an aagyu wid unu wan aneda. A dat piipl a tel mi an mi biliiv se som a wa dem a se a chuu sopm.

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Luuk 7:39

Wen di Farisii we invait Jiizas si dis, im se tu imself, “Ef da man ya did a wan prafit, im wuda nuo wa kain-a uman a toch im!”

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

2 Tesaluoniyan 3:7

Kaaz unu siem wan don nuo aredi se unu fi fala wi, an wi neehn aigl an liezi wen wi did de mongks unu.

1 Korintiyan 7:36

Ef wan man fi marid wan uman we neva sliip wid no man yet an im tingk se im naa chriit ar rait, an shi a get uol an im fiil se im fi marid ar — mek im marid ar. Im naa sin ef im du dat. Dem fi get marid.

Matyu 9:4

Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

2 Timoti 4:16

Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.