1 Korintiyan 13:2 - Di Jamiekan Nyuu Testiment

² Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

1 Korintiyan 13:2 ပူးပေါင်းရင်းမြစ်များ

Matyu 13:11

Jiizas se, “Unu get di chaans fi nuo di siikrit sopm dem bout Gad kindom, bot no dem.

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 21:19

So im si wan fig chrii a di ruod-said an go kraas wich paat it de, bot im neehn si notn at aal pan it, jos suo-so liif. Jiizas se tu di chrii se, “Yu naa go eva bier fruut agen!” an siem taim di fig chrii jrai op.

Matyu 21:21

Jiizas ansa bak, “Mi tel unu dis, an a chuu mi a taak, ef unu jos chos iina Gad likl, an no if-an-bot an wanda-wanda, unu naa go jos du wa mi du tu da fig chrii de, bot aal ef unu se tu da moutn ya, ‘Git op go fling yuself iina di sii, it wi apm.

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Ruoman 15:14

Mi breda an sista, mi muor dan shuor bout unu, mi nuo se unu a gud piipl, unu nuo evriting we unu sopuoz fi du an unu kyan tiich unu wan aneda.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

1 Korintiyan 11:4

Dat miin se ef wan man a prie ar a pred Gad mesij tu di piipl wid im ed kova op, a disrispek im a disrispek di wan we a di ed.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

1 Korintiyan 13:1

Ef mi kuda taak aal a di langwij dem iina di worl, aal taak di langwij wa di ienjel dem yuuz bot no av lov iina mi aat, mi komiin laik wan bel ar wan metal pan we jos a mek naiz.

1 Korintiyan 13:3

An ef mi gi we evriting we mi av, an aal gi op mi badi so dat dem kyan bon it op, ef mi du aal a dat bot no av lov iina mi aat, it naa du mi no gud.

1 Korintiyan 13:8

Chuu lov neva eva tap — it kyaahn ded. Bot wan die di piipl dem we kyari mesij chriet fram Gad, a-go tap kyari mesij. An di piipl dem we taak iina tongz, wan die dem a-go tap taak iina tongz. An di piipl we kyan andastan di tingz dem we Gad shuo wi, wan die dem a-go tap tu.

1 Korintiyan 14:29

Wen unu a kip choch, unu fi mek tuu ar chrii a di piipl dem we kyari mesij fram Gad taak. An di res a piipl iina di choch fi lisn an tingk bout we dem se, an joj fi demself ef wa dem a ier a chuu sopm.

1 Korintiyan 14:39

So mi breda an sista, unu fi wel waahn di Uoli Spirit gi unu di gif we wi mek unu kyan kyari mesij chriet fram Gad. An unu no fi tel nobadi se dem no fi taak iina tongz,

1 Korintiyan 14:4

Di piipl we taak iina tongz onggl a bil op demself bot di piipl we kyari mesij fram Gad a elp fi bil op di choch.

1 Korintiyan 15:51

Lisn an lisn gud kaaz mi a-go tel unu sitn we nobadi no nuo bout — a no aal a wi a-go ded bot Gad a-go chienj di uol a wi.

1 Korintiyan 16:22

Ef sumadi no lov di Laad, mi uop se Gad wi joj im an sen im fi ded. Kom wi Laad Kom!

1 Korintiyan 4:1

Dis a ou unu fi tingk bout wi we a tiich unu: unu fi luk pan wi an si se wi a jos Krais Jiizas sorvant dem an di wan dem we de ya fi tel unu bout aal a di sitn dem we unu no nuo bout Gad.

1 Korintiyan 7:19

A no notn ef yu sorkomsaiz jos laik ou a no notn ef yu no sorkomsaiz. Di onggl ting we mata a dat unu du wa Gad se unu fi du.

1 Korintiyan 8:4

So den dis ting bout weda wi shuda iit ar no iit di fuud we piipl sakrifais gi faalz gad: di uol a wi nuo se dem faalz gad de no riili alaiv. An wi nuo se a onggl wan riil Gad de bout.

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

Gyalieshan 5:16

Mi a tel unu liv unu laif laik ou Gad Spirit se unu fi liv. Da wie de unu naa go gi iin tu sin an du di rang sitn dem we unu eva waahn fi du.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Gyalieshan 6:3

Kaaz ef sumadi tingk se dem big an impuotant bot dem a nobadi, dem onggl a fuul demself.

Ifiijan 3:4

Wen unu riid wa mi rait, unu wi andastan wa mi nuo bout di siikrit mesij bout Krais Jiizas.

Ifiijan 6:19

Prie fi mi tu. Prie se Gad wi elp mi an tel mi di rait wod fi se. Prie se mi wi no fried evritaim mi uopm mi mout fi tel piipl di siikrit mesij bout di Gud Nyuuz,

Koloshan 1:26

Di mesij a di siikrit we Gad did aid fram wen! Di siem siikrit we nobadi at aal neehn nuo bout. Bot nou, Gad mek fi im piipl dem, we gud an kliin, nuo bout it.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

1 Jan 4:8

Nobadi we no lov no nuo Gad kaaz Gad a lov.