1 Korintiyan 13:12 - Di Jamiekan Nyuu Testiment

¹² Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

1 Korintiyan 13:12 ပူးပေါင်းရင်းမြစ်များ

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

Filipiyan 3:12

Mi naa se mi riich we mi waahn fi riich aredi, ar dat evriting we Jiizas kaal mi fa mi a it aredi. Bot mi a pres aad aad fi ton di kain-a sumadi Krais Jiizas pik an waahn mi fi bi.

Revilieshan 22:4

Dem a-go si Gad fies tu fies, an im niem a-go rait pan dem farid.

Jiemz 1:23

Ef nobadi ier di mesij an no du wa it se, dem komiin laik wan man we luk pan imself iina wan lukin glaas, si wa im luk laik,

2 Korintiyan 5:7

(An iivn duo wi kyaahn si it wi nuo wi a-go get it kaaz wi no liv wi laif bies pan wa wi kyan si wid wi yai dem bot pan wa wi biliiv.)

Matyu 5:8

Aal a uu onggl waahn fi du di sitn dem we mek Gad api, Gad bles unu, kaaz wan die, wan die, unu a-go get fi si Gad.

1 Korintiyan 8:3

Bot ef sumadi lov Gad, Gad nuo dem.

Ruoman 8:18

Aal di sofa wi a sofa nou, mi shuor se notn wi go chuu kyan mach op tu aal a wa Gad a-go gi wi lieta.

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Jan 10:15

— siem laka ou di Faada nuo mi an mi nuo di Faada. An mi gi op mi laif fi mi shiip dem.

1 Korintiyan 13:11

Wen mi a did pikni, mi taak laik mi a pikni an mi tingk an gwaan laik ou pikni fi gwaan. Bot wen mi ton man mi tap gwaan laik pikni.