1 Korintiyan 12:9 - Di Jamiekan Nyuu Testiment

⁹ Gad Spirit mek som piipl kyan biliiv iina Gad nof nof, an ada piipl, di Spirit gi dem di powa fi mek sik piipl get beta.

1 Korintiyan 12:9 ပူးပေါင်းရင်းမြစ်များ

2 Korintiyan 4:13

Iina Gad wod sumadi rait se, “Mi chos iina Gad so mi priich im mesij.” An siem laik ou im chos iina Gad, wi chos iina Gad tu, so wi wi gwaan priich tu.

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

Iibruu 11:33

Siek-a ou dem chos iina Gad, dem fait waar gens konchri an win; som did inchaaj a piipl an dem ruul iina wan wie we rait iina Gad yai; an Gad gi dem wa im pramis fi gi dem tu. An kaaz dem chos iina Gad, dem shot laiyan mout so di laiyan dem no nyam dem.

1 Korintiyan 12:30

An a evribadi kyan mek piipl beta? A evribadi kyan taak iina tongz? An a evribadi kyan andastan di piipl dem wen dem taak iina tongz?

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

Maak 16:18

dem wi kyan yuuz dem an pik op siniek, an no paizn we dem jringk naa go du dem notn. Dem wi put dem an pan sik piipl an mek dem get beta.”

Aks 5:15

Siek-a aal wa did a apm, piipl kyari out dem sik kom pudong iina di ruod pan dem chrecha so dat iivn Piita sheda kuda faal pan dem.

Luuk 10:9

Kyuor di wan dem we sik an se tu dem, ‘Gad kindom kom wich paat unu de.’

Luuk 9:2

Im sen dem out fi tel piipl bout Gad kindom an fi kyuor di sik.

Maak 6:13

Dem ron out nof diiman an naint nof sik piipl wid ail an mek dem get beta.

Matyu 21:21

Jiizas ansa bak, “Mi tel unu dis, an a chuu mi a taak, ef unu jos chos iina Gad likl, an no if-an-bot an wanda-wanda, unu naa go jos du wa mi du tu da fig chrii de, bot aal ef unu se tu da moutn ya, ‘Git op go fling yuself iina di sii, it wi apm.

Matyu 10:8

Get sik piipl beta, mek ded piipl kom bak alaiv, piipl we av siknis we mek dem skin fasi-fasi — mek dem skin get bak kliin, an ron out diiman spirit tu. Unu get tingz an unu neehn afi gi notn, nou gi an no luk fi get bak notn.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.