1 Korintiyan 12:4 - Di Jamiekan Nyuu Testiment

⁴ A nof difrant sitn di Uoli Spirit mek wi kyan du bot wi fi memba se a di siem Spirit mek wi kyan du aal a dem.

1 Korintiyan 12:4 ပူးပေါင်းရင်းမြစ်များ

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

1 Korintiyan 7:7

Mi wish se evribadi wuda stie laik mi — mi no marid. Bot Gad mek evribadi difrant, im mek som piipl tan da wie ya an im mek som piipl tan da wie de.

1 Korintiyan 12:1

Nou breda an sista, mi waahn unu fi andastan evriting bout di gif dem we di Uoli Spirit gi.

1 Korintiyan 12:5

An wi av nof difrant wie fi sorv di Laad bot a di siem Laad di uol a wi a sorv.