1 Korintiyan 12:3 - Di Jamiekan Nyuu Testiment

³ So mi waahn unu fi andastan se nobadi we av Gad Spirit a liid dem kyan se dat, “Gad joj Jiizas an se im fi ded.” An sumadi kyan onggl se, “Jiizas a Laad” ef dem av di Uoli Spirit a liv iina dem.

1 Korintiyan 12:3 ပူးပေါင်းရင်းမြစ်များ

Matyu 22:43

Ier im no, “So, ou kom wen di Spirit did a liid Dievid, Dievid siem wan kaal di wan we Gad a sen fi siev piipl, ‘Laad’? Im du dis wen im se,

Maak 9:39

Bot Jiizas se tu dem se, “No tap im, kaaz nobadi we yuuz fi mi niem fi wok mirikl kyaahn jos ton roun di neks minit an chat bad bout mi.

Jan 13:13

Unu kaal mi ‘Tiicha’ an unu kaal mi ‘Laad,’ an unu rait, kaa mi a dat fi chuu.

Jan 13:14

Nou, ef mi, we a unu Laad an unu Tiicha, wash unu fut, unu mos wash unu wan aneda fut tu.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Ruoman 10:9

Kaaz ef yu se wid yu uona mout infronta piipl dat “Jiizas a Laad” an ef yu biliiv iina yu aat se Gad mek im kom bak alaiv, yu wi get siev.

Ruoman 9:3

wen mi tingk bout fi mi piipl, di piipl we kom fram fi mi konchri, Izrel. Fi fi dem siek mi wish se a did mi. Mi wish se a did mi Gad joj an se fi ded an we no bilang tu Krais Jiizas no muor. Di piipl we kom fram fi mi konchri,

1 Korintiyan 16:22

Ef sumadi no lov di Laad, mi uop se Gad wi joj im an sen im fi ded. Kom wi Laad Kom!

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

2 Korintiyan 3:5

Wi kyaahn du notn pan wi uon. Wi no av notn iina wi we wuda mek wi kyan du da wok ya. A Gad wan mek wi kyan du it.

Gyalieshan 3:13

Nou wi no aalwiez fala aal a di Laa dem an siek-a dat Gad wuda ponish wi. Bot Krais Jiizas siev wi fram get ponish wen im kom an sofa fi wi. Im get ponish so wi wudn get ponish. It aal rait dong iina Gad wod se, “Enibadi we dem eng op pan wan kraas — Gad a ponish dem.”

Revilieshan 1:10

Pan di die wen piipl gyada fi worship di Laad, di Uoli Spirit tek kanchuol a mi. Den mi ier wan vais baka mi, an di vais loud an klier laik wan chompit.