1 Korintiyan 12:18 - Di Jamiekan Nyuu Testiment

¹⁸ Aal a di paat dem iina di badi, evri wan a dem, Gad put dem de. Im put dem wich paat im waahn dem an im put dem de fi du wa im waahn dem fi du.

1 Korintiyan 12:18 ပူးပေါင်းရင်းမြစ်များ

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

1 Korintiyan 12:11

Di powa fi du aal a dem sitn de kom fram di siem Spirit an im gi da powa de tu enibadi im waahn gi it tu.

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

Luuk 12:32

“So, unu we a fala mi, no bada fried. Unu Faada api fi gi unu im kindom.

1 Korintiyan 12:24

Wi no niid fi du dat fi di paat dem we wi fiil luk gud. Bot Gad put aal a di paat dem tugeda iina di badi an im mek it iina wan wie we mek wi tek gud gud kier a di paat dem we wi no tingk riili impuotant.

Luuk 10:21

Dat de taim, di Uoli Spirit kaaz Jiizas fi get api an im se, “Faada, yu ron evriting iina evn an pan ort, mi priez yu. Mi priez yu kaaz yu a shuo dem sitn ya tu likl pikni bot yu aid dem fram piipl we tingk se dem brait an av nof sens. Yes Faada, a dat yu did waahn fi apm.

1 Korintiyan 15:38

Bot Gad mek evriting luk di wie im waahn it fi luk. Im mek aal di difrant difrant siid dem luk an shiep difrant fram dem wan aneda.

Revilieshan 4:11

“Ana an rispek tu yu, wi Laad an wi Gad, yu fi get priez an ana an powa, kaaz yu mek evriting. Yu mek dem kaaz yu did waahn fi mek dem. An dem de ya kaaz yu waahn dem fi de ya.”

Ifiijan 1:9

An kaaz Gad did waahn wi fi nuo, im tel wi aal a im plan dem we nobadi neva nuo bout. Fram di staat, im did mek op im main fi yuuz Jiizas fi du aal a di sitn dem wa im plan.

Ifiijan 1:5

im mek op im main fram wie bak wen se im wuda tek wi fi im pikni dem, siek-a wa Jiizas Krais wuda du. A dat im did waahn an it mek im api.

Ruoman 12:6

Gad gi wi difrant difrant gif — im mek wi kyan du difrant sopm. Ef Gad gi sumadi di powa fi priich im mesij, den dem fi priich bies pan di fiet we dem av.

1 Korintiyan 12:17

Ef a did yai wan mek op di badi, a wa wi wuda yuuz fi ier? Ef di badi did mek op a iez wan, a wa wi wuda yuuz fi sumel?

1 Korintiyan 12:19

A no wan badi ef a onggl wan paat de de. Ou yu fi av wan badi ef a onggl wan paat yu av?