1 Korintiyan 12:12 - Di Jamiekan Nyuu Testiment

¹² Jos laik ou di badi av nof difrant paat, an yu niid aal a dem paat de fi mek op di badi, a siem so Krais Jiizas tan.

1 Korintiyan 12:12 ပူးပေါင်းရင်းမြစ်များ

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.

1 Korintiyan 12:27

Nou unu mek op Jiizas Krais badi, evri wan a unu a paat a im badi.

Koloshan 2:19

Jiizas Krais a di ed, an dem no diil wid di ed no muo. A di ed kanchuol di badi. An di uol badi dipen pan it. Di ed mek di jaint an di mosl dem kom tugeda, an a dem uol op di badi. A dat mek evri paat a di badi wok tugeda, an so di badi gruo ou Gad waahn it fi gruo.

Ifiijan 4:4

Aal a wi a wan badi an a onggl wan Uoli Spirit de, we liv iina wi. Gad kaal aal a wi tu im di siem wie. An aal a wi we Gad kaal a luk fi get di siem sitn fram im we im kaal wi fa.

1 Korintiyan 10:17

So a onggl wan bred de bout an aal a wi ton wan badi wen di uol a wi iit da bred de.

Ifiijan 5:30

Im du it, kaaz wi a paat a fi im badi.

Koloshan 1:18

Im a di ed fi di choch, we a fi im badi, so a im kanchuol it. Im a di wan we staat op evriting — a im gi nyuu laif. An im a di fos wan fi ded an kom bak alaiv. Da wie de, im a fos iina evriting an im ruul uova evriting.

Ifiijan 5:23

Dem fi du dis kaaz di ozban a di ed a di waif siem laik ou Krais Jiizas a di ed fi di choch. Im a di wan we siev di choch, an di choch a fi im badi.

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang

Gyalieshan 3:16

Nou di pramis we Gad mek tu Iebriyam, a did fi Iebriyam an im pikni. Gad wod neva se a nof piipl — it neva se “an tu im pikni dem.” Wa rait dong iina Gad wod a “tu im pikni.” A wan sumadi it a taak bout, an da sumadi de a Krais Jiizas.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Ifiijan 1:23

Nou, di choch a Jiizas badi. Jiizas gi di choch laif, an a im gi evriting evriwe laif.

1 Korintiyan 12:7

Gad gi evribadi sopm fi shuo se di Uoli Spirit riil an im du dat fi wi uon gud an fi di gud a evribadi.

1 Korintiyan 12:20

So iivn duo yu av nof difrant paat iina di badi, aal a dem kom tugeda fi mek wan badi.