1 Korintiyan 12:11 - Di Jamiekan Nyuu Testiment

¹¹ Di powa fi du aal a dem sitn de kom fram di siem Spirit an im gi da powa de tu enibadi im waahn gi it tu.

1 Korintiyan 12:11 ပူးပေါင်းရင်းမြစ်များ

1 Korintiyan 12:4

A nof difrant sitn di Uoli Spirit mek wi kyan du bot wi fi memba se a di siem Spirit mek wi kyan du aal a dem.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

2 Korintiyan 10:13

Bot wi, wi no komiin laik dem. Wi naa go brag an buos bout sopm we wi no av no bizniz a brag an buos bout. Wi onggl buos bout di wok we Gad gi wi fi du, an unu a paat a da wok de.

Ifiijan 4:7

Krais Jiizas gi evri wan a wi wan speshal gif fi wi spirit. Dat shuo umoch im lov wi iivn duo wi no dizorv it.

1 Korintiyan 12:6

Wen wi a sorv Gad, evri wan a wi av di powa fi du sopm bot a di siem Gad gi di uol a wi di powa fi du it.

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

Ifiijan 1:11

Gad mek evriting apm jos laik ou im plan dem fi apm, an fram wie bak wen, im pik wi fi bi im piipl siek-a Jiizas an wa im wuda du.

1 Korintiyan 7:17

Gad mek it so dat evribadi liv difrant an iivn duo unu biliiv iina im nou, unu fi gwaan tan iina di siem pozishan we Gad put unu bifuo im kaal unu fi ton wan a im piipl. Iina evri wan a di choch dem dis a wa mi se unu fi du.

1 Korintiyan 7:7

Mi wish se evribadi wuda stie laik mi — mi no marid. Bot Gad mek evribadi difrant, im mek som piipl tan da wie ya an im mek som piipl tan da wie de.

Ruoman 12:6

Gad gi wi difrant difrant gif — im mek wi kyan du difrant sopm. Ef Gad gi sumadi di powa fi priich im mesij, den dem fi priich bies pan di fiet we dem av.

Ruoman 9:18

So den Gad gud an kain tu uu im waahn fi gud an kain tu an ef im waahn fi mek sumadi ton dem aat gens im, im wi mek dem ton dem aat gens im.

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Jan 3:27

Bot Jan se tu dem se, “Sumadi kyan onggl av wa Gad gi dem.

Jan 3:8

Briiz bluo go wich paat it waahn fi go. Yu onggl ier di soun we it mek, bot yu kyaahn si a we it de kom fram an yu kyaahn si wich paat it de go. Nou, a siem so it go wid evribadi we di Spirit mek baan.”

Matyu 20:15

Mi kyaahn du we mi waahn du wid fi mi uona moni? Iihn? Ar a red yai unu red yai kaa mi kain?’

Matyu 11:26

Yes Faada, a dat yu did api fi du.

1 Korintiyan 12:18

Aal a di paat dem iina di badi, evri wan a dem, Gad put dem de. Im put dem wich paat im waahn dem an im put dem de fi du wa im waahn dem fi du.