1 Korintiyan 11:34 - Di Jamiekan Nyuu Testiment

³⁴ Ef sumadi onggri mek dem nyam a dem yaad, so dat wen unu gyada tugeda unu no bring dong jojment pan unuself. Wen mi kom, mi wi gi unu som muor ruul bout som ada tingz we mi waahn unu fi fala.

1 Korintiyan 11:34 ပူးပေါင်းရင်းမြစ်များ

1 Korintiyan 7:17

Gad mek it so dat evribadi liv difrant an iivn duo unu biliiv iina im nou, unu fi gwaan tan iina di siem pozishan we Gad put unu bifuo im kaal unu fi ton wan a im piipl. Iina evri wan a di choch dem dis a wa mi se unu fi du.

1 Korintiyan 4:19

Bot mi a-go kom de suun, ef dat a wa di Laad waahn mi fi du. Mi a-go kom de an mi wi fain out fi miself no jos wa dem buosi piipl a se, bot mi a-go fain out a wa kain-a powa dem av.

Taitos 1:5

Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.

1 Korintiyan 16:2

Pan di fos die a evri wiik, unu mos pudong paat a di moni we unu mek. Unu fi pudong moni bies pan ou Gad bles unu. Da wie de unu wi av di moni pudong an wi no afi go kalek op notn wen mi riich de.

1 Korintiyan 16:5

Mi a-go go chuu Masiduoniya, so afta mi go chuu de-so, mi wi kom luk fi unu.

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

1 Korintiyan 11:33

So mi breda an sista wen unu gyada tugeda fi tek Laad sopa, unu fi wiet pan unu wan aneda.

1 Korintiyan 16:1

Nou bout di moni we unu niid fi kalek op fi elp Gad piipl dem — di siem ting we mi tel di piipl dem a di choch iina Gyaliesha fi du, a di siem ting mi waahn unu fi du.