1 Korintiyan 11:32 - Di Jamiekan Nyuu Testiment

³² Bot wen Gad ponish wi a tiich im a chrai fi tiich wi. Im waahn wi lorn wa rait so dat wen im kom bak fi joj di worl, wi naa go ded laik di piipl we no biliiv iina im.

1 Korintiyan 11:32 ပူးပေါင်းရင်းမြစ်များ

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

1 Korintiyan 11:30

A so mek nof a unu wiik an sik an a so mek som piipl ded.

1 Jan 5:19

Wi nuo se wi bilang tu Gad an dat di devl kanchuol di uol worl.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

Ruoman 5:16

Mi wi se it agen, di gif we Gad gi wi fi frii difrant fram wa Adam sin did kaaz. Afta Adam did sin an kaaz sin fi kom iina di worl, Gad joj evribadi an se dem fi get ponish fi di rang we dem du. Bot nou afta nof nof piipl sin Gad shuo ou im gud an kain tu piipl wen im gi dem im gif. Iivn duo dem neva du notn fi dizorv it Gad tek we dem sin dem so dat dem no afi get ponish.

1 Korintiyan 1:20

So den, wa unu tingk a-go apm tu di piipl dem we tingk se dem waiz? Wa unu tingk dat miin fi di Laa tiicha dem? Wa unu tingk dat a se bout di piipl dem we lov aagyu bout evriting? Gad no don shuo se aal a di sitn dem we dem piipl de tingk se dem nuo a fuulinish?

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

1 Korintiyan 11:31

Ef wi did a luk pan wiself an riili a tingk bout wa wi a du wen wi nyam di Laad sopa, Gad wudn ponish wi so.

1 Korintiyan 11:33

So mi breda an sista wen unu gyada tugeda fi tek Laad sopa, unu fi wiet pan unu wan aneda.

1 Timoti 1:20

Tuu piipl we dis apm tu a Aimeniyos an Aligzanda. Mi ton dem uova tu Sietan so dat dem wi lorn no fi kos Gad.