1 Korintiyan 11:30 - Di Jamiekan Nyuu Testiment

³⁰ A so mek nof a unu wiik an sik an a so mek som piipl ded.

1 Korintiyan 11:30 ပူးပေါင်းရင်းမြစ်များ

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

1 Tesaluoniyan 4:14

Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

1 Korintiyan 15:51

Lisn an lisn gud kaaz mi a-go tel unu sitn we nobadi no nuo bout — a no aal a wi a-go ded bot Gad a-go chienj di uol a wi.

1 Korintiyan 11:32

Bot wen Gad ponish wi a tiich im a chrai fi tiich wi. Im waahn wi lorn wa rait so dat wen im kom bak fi joj di worl, wi naa go ded laik di piipl we no biliiv iina im.

Aks 13:36

“Kaaz afta Dievid du we Gad did waahn im fi du mongks fi'im piipl we im gruo op wid, im ded an dem beri im mongks im faada faada dem griev an im badi ratn.

Aks 7:60

Den im jrap pan im nii an kaal out, “Laad, no uol da sin ya gens dem.” Afta im se dat im ded.

1 Korintiyan 11:29

Kaaz ef sumadi iit di bred an jringk fram di kop an no rispek di fak se a di Laad badi, a jojment dem a bring dong pan demself.

1 Korintiyan 11:31

Ef wi did a luk pan wiself an riili a tingk bout wa wi a du wen wi nyam di Laad sopa, Gad wudn ponish wi so.