1 Korintiyan 11:23 - Di Jamiekan Nyuu Testiment

²³ Di siem ting we di Laad did tiich mi a di siem ting we mi tiich unu: pan di nait Juudas sel out Jiizas, Jiizas tek di bred,

1 Korintiyan 11:23 ပူးပေါင်းရင်းမြစ်များ

Matyu 26:17

Nou di alidie wen piipl nyam bred widout yiis did kom. Pan di fos die a da alidie de, Jiizas speshal falara dem kom tu im an se, “We yu waahn wi fi luk aafa di Paasuova fuud fi yu nyam?”

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Matyu 26:34

Jiizas se tu im se, “Mi a tel yu dis an a chuu mi a taak, tinait tinait, bifuo di ruusta kruo, yu a-go se yu no nuo mi, chrii taim.”

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Luuk 22:17

Jiizas tek op di kop an gi Gad tangks. Den im se tu dem se, “Tek dis an shier it op mongks unu wan aneda.

Aks 20:7

Pan di fos die a di wiik wen wi gyada op fi brok bred, Paal staat taak tu di piipl. An kaaz im did plan fi lef di neks die, Paal priich til migl nait.

1 Korintiyan 10:16

Di kop we wi yuuz wen wi av Laad sopa an we wi gi Gad tangks fa: wen wi jringk fram it wi naa tek paat iina wa Jiizas Krais did du fi wi wen im blod bliid out pan di kraas? An wen wi brok di bred a no tek wi a tek paat iina im badi tu?

1 Korintiyan 15:3

Kaaz mi tel unu di muos impuotant paat a di mesij siem laik ou Gad tel mi. Mi tel unu se Jiizas Krais kom an ded fi wi an siev wi fram wi sin dem jos laik ou Gad wod did se im wuda du it

Gyalieshan 1:1

Da leta ya a kom fram mi, Paal, wan a Jiizas Krais apasl. A no wan gruup a piipl mek mi ton apasl an a no man gi mi da wok ya fi du niida. Bot a Jiizas Krais an Gad we mek im kom bak alaiv sen mi fi bi wan apasl.

Koloshan 3:24

Kaaz unu nuo se unu a-go get wa di Laad pramis fi gi unu fi aal a di sitn dem we unu du. Kaaz a im unu riili a wok fa.

1 Tesaluoniyan 4:2

Kaaz unu nuo se wa wi tel unu fi du, a dat di Laad Jiizas se unu fi du.