1 Korintiyan 11:16 - Di Jamiekan Nyuu Testiment

¹⁶ Bot ef enibadi tingk se mi rang wen mi se dem tingz ya, a wan ting mi av fi se tu unu — mi an di res a Gad choch no tingk se eniting els rait.

1 Korintiyan 11:16 ပူးပေါင်းရင်းမြစ်များ

1 Korintiyan 7:17

Gad mek it so dat evribadi liv difrant an iivn duo unu biliiv iina im nou, unu fi gwaan tan iina di siem pozishan we Gad put unu bifuo im kaal unu fi ton wan a im piipl. Iina evri wan a di choch dem dis a wa mi se unu fi du.

1 Tesaluoniyan 2:14

Breda an sista, unu komiin jos laik Gad choch dem iina Krais Jiizas, we de a Judiya. Kaaz a fi unu uona piipl dem, we de wich paat unu de, a mek unu sofa di siem wie ou di Judiyan piipl dem mek dem we de a Judiya sofa.

Aks 21:24

kyari dem wid yu go a Gad ous an pie di moni we dem fi pie fi get bak kliin, an yu wi get kliin tu. Afta dat dem kyan kot aaf dem ier. Da wie de evribadi wi nuo se wa dem se bout yu a no chuu. Dem wi si se yu liv laik ou di Laa se wi fi liv.

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

1 Korintiyan 16:1

Nou bout di moni we unu niid fi kalek op fi elp Gad piipl dem — di siem ting we mi tel di piipl dem a di choch iina Gyaliesha fi du, a di siem ting mi waahn unu fi du.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

1 Korintiyan 9:1

Mi no frii? Mi a no wan a di apasl dem? Mi neva si wi Laad Jiizas Krais? Unu a no Gad piipl siek-a di wok we Gad sen mi fi du?

1 Korintiyan 9:6

Ar a mi an Baanabas a di onggl apasl dem we afi wok so dem kyan av moni fi liv?

1 Korintiyan 11:15

Bot ef wan uman av taal ier, a no api shi fi wel api se shi av it? Kaaz a Gad gi ar da ier de fi ak laik wan kova fi ar ed.