1 Korintiyan 10:7 - Di Jamiekan Nyuu Testiment

⁷ Wi no fi du laik dem an worship no faalz gad. It rait dong iina Gad wod se, “Di piipl dem sidong fi nyam an jringk an den dem git op an staat daans.”

1 Korintiyan 10:7 ပူးပေါင်းရင်းမြစ်များ

Aks 15:20

Insted-a dat, wa wi fi du a rait an tel dem se dem no fi nyam no fuud we piipl tek bon sakrifais gi faalz gad, ton we fram aal saat a seks sin, no nyam miit fram animal we eng ar we dem blod neva bliid out wen dem get kil, an no nyam ar jringk blod.

1 Korintiyan 10:14

So mi gud gud fren, no worship no faalz Gad — ron we fram dem sitn de.

1 Korintiyan 5:11

Wen mi did rait unu mi did a taak bout piipl we se dem biliiv iina Gad. No av notn fi du wid nobadi we se dem a Gad pikni bot a tek paat iina aal kain-a seks sin. No av notn fi du wid dem ef dem waahnti-waahnti, tiif ada piipl sitn dem, worship faalz gad, tel lai ar jringk tu moch. No iivn iit wid dem piipl de.

1 Korintiyan 6:9

Unu no nuo se di wikid naa go av no paat iina Gad kindom? No bada fuul unuself! Di piipl dem we tek paat iina aal kain-a seks sin an we worship faalz gad naa go tek paat iina Gad kindom. Piipl we sliip wid piipl dem no marid tu, piipl we sel dem badi fi moni, man we sliip wid man an uman we sliip wid uman, dem naa go si Gad kindom at aal.

1 Korintiyan 8:7

Bot a no evribadi nuo dis. Som piipl get so yuus tu worship faalz gad dat wen dem iit di fuud dem stil tingk se a wan sakrifais tu di faalz gad dem. An chuu dem stil yong iina wa dem biliiv, dem tingk se dem a sin wen dem nyam da fuud de.

1 Jan 5:21

Mi pikni, kip unuself fram faalz gad.