1 Korintiyan 10:6 - Di Jamiekan Nyuu Testiment

⁶ Nou aal dem sitn de apm so dat wi kuda si dem an lorn fram dem. Dem a waan wi fi no tan laik dem piipl de an waahn fi du bier wikid sitn.

1 Korintiyan 10:6 ပူးပေါင်းရင်းမြစ်များ

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.

1 Korintiyan 10:11

Aal a dem sitn de we apm tu dem a fi waan wi no fi liv laik dem. An it rait dong iina Gad wod fi waan aal a wi we a liv iina da taim ya wen di worl suun don.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

2 Piita 2:6

an ef im fling jojment pan tuu siti, Sadam an Gomaro an bon dem dong a grong, an yuuz dem fi waan piipl an mek dem si a wa a-go riich piipl we no bizniz wid im an we no lisn im,

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.

Ruoman 5:14

Aal a di piipl dem we did a liv iina Adam taim kom chriet baka Muoziz taim, di uol a dem did afi ded. Dem did afi ded iivn duo dem neva sin laik ou Adam did sin. Nou Jiizas Krais, di wan we did fi kom, Adam did komiin likl bit laik im,

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.