1 Korintiyan 10:31 - Di Jamiekan Nyuu Testiment

³¹ Wel, di chuut a weda yu a iit fuud ar jringk jringks — evriting we yu du, yu fi du it iina wan wie we wi kaaz piipl fi priez Gad.

1 Korintiyan 10:31 ပူးပေါင်းရင်းမြစ်များ

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

Koloshan 3:23

Wat-eva unu a du, du it wid aal a unu aat; wok laik se a Gad unu a wok fa an no fi piipl.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

Luuk 11:41

Gi tu di puor an du it fram unu aat, an den dat wi shuo se evriwe kliin.

1 Korintiyan 7:34

Di man we marid afi tingk bout tuu sitn wan taim. Di uman dem we no marid an di wan dem we neva sliip wid no man yet, dem eva a tingk bout di Laad an onggl bizniz wid ou dem kyan sorv im. Dem waahn aal we dem du wid dem badi an aal we dem tingk fi shuo se dem bilang tu Gad. Bot di uman dem we marid, dem afi wori bout fuud an ous an fambili — dem afi wori bout ou fi kip dem ozban api.