1 Korintiyan 10:23 - Di Jamiekan Nyuu Testiment

²³ Som piipl se, “Mi kyan du eniting wa mi waahn fi du,” bot a no evriting gud fi yu. Dem se, “Mi kyan du eniting wa mi waahn fi du,” bot a no evriting a-go elp yu fi gruo.

1 Korintiyan 10:23 ပူးပေါင်းရင်းမြစ်များ

1 Korintiyan 6:12

Piipl wi se, “Mi kyan du eniting mi waahn fi du, no laa no de de fi tap mi,” — bot a no evriting we wi kyan du, gud fi wi. Piipl wi se tu, “Mi kyan du eniting mi waahn fi du, no laa no de de fi tap mi,” — bot mi naa go mek notn we mi kyan du ruul uova mi.

1 Korintiyan 8:9

Wach unuself duo! Unu frii fi iit di fuud bot mek shuor se wen unu a iit it, unu naa kaaz di wan dem we yong iina wa dem biliiv fi sin.

Ifiijan 4:29

Unu fi tap chat doti chat. Taak gud sitn aal di taim. Da wie de, di sitn dem we unu se wi bil op di piipl dem we niid fi get bil op. An enibadi we ier we unu se wi nuo ou Gad lov dem iivn duo dem no dizorv it.

1 Tesaluoniyan 5:11

So unu fi taak di sitn dem fi elp unu wan aneda get chrang, laik wa unu a du nou, an gwaan bil op unu wan aneda.

Ruoman 14:15

Ef yu nuo se wen yu iit sortn an sortn fuud yu a-go ton aaf yu breda an sista, an yu du it siem wie, yu naa chriit dem wid lov. No mek di sitn dem we unu a iit mash op unu breda an sista we Krais Jiizas ded fa.

1 Korintiyan 14:17

Yu kuda a tangk Gad iina wan nais nais wie bot chuu dem kyaahn andastan, yu wudn a elp dem.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Korintiyan 14:12

So sins unu a chrai aad fi get di gif dem we di Uoli Spirit gi, muo dan eniting els unu fi chrai fi get di wan dem we wi elp fi bil op di choch.

1 Korintiyan 8:1

Nou bout di fuud we unu sakrifais an gi faalz gad: wi nuo se aal a wi nuo bout da kain-a sakrifais de. Wen yu nuo sopm it kaaz yu fi get buosi bot lov, lov bil op piipl — it elp dem get chrang.

2 Korintiyan 12:19

Unu tingk se aal a dis we mi a rait, a fi pruuv tu unu se wa wi a du rait? Kaaz wi a Jiizas sorvant dem, wi aalwiez tiich di chuut laik se Gad tan op rait infronta wi, an mi fren, evriting we wi tiich a fi elp unu gruo chrang.