1 Korintiyan 10:20 - Di Jamiekan Nyuu Testiment

²⁰ Nuo! Wa mi a se a dat di piipl dem we no biliiv iina Gad bon sakrifais gi diiman, dem naa bon it gi Gad. An ef yu go nyam da fuud de, a laik yu a se dat yu an di diiman dem a wan, an mi no waahn unu fi av notn fi du wid no diiman.

1 Korintiyan 10:20 ပူးပေါင်းရင်းမြစ်များ

Matyu 4:9

Den im se tu Jiizas se, “Mi wi gi yu aal a dem sitn ya ef yu go dong pan yu nii an se mi a Gad, an worship mi.”

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

Gyalieshan 4:8

Iina di paas, wen unu an Gad neva kluos, unu a did sliev. Unu a did sliev tu di sitn dem we unu kaal gad bot we a no riili gad at aal.

Revilieshan 2:14

Bot mi stil av sopm gens unu. Unu av som piipl iina unu choch we a fala wa Bielam tiich. Bielam did tiich Bielak ou fi chrik di Izrelait dem fi mek dem sin. Im chrik dem mek dem nyam fuud we did bon pan alta gi faalz gad, an mek dem sliip wid ada piipl ozban an waif.

Revilieshan 2:20

Bot mi stil av sitn gens unu. Unu put op wid da uman de, Jezibel, we kaal arself wan prafit. Shi yuuz di sitn dem we shi a tiich fi chrik mi sorvant dem fi tek paat iina seks sin an fi nyam fuud we dem tek bon sakrifais gi faalz gad.

Revilieshan 9:20

Di res a di piipl dem we neva get kil fram di faiya, di sumuok, ar di solfa, stil neva ton we fram dem wikidnis. Dem neva tap worship diiman, an faalz gad we mek outa guol, silva, branz, stuon, an wud — faalz gad we kyaahn si ar ier ar waak.