1 Korintiyan 10:19 - Di Jamiekan Nyuu Testiment

¹⁹ Wa unu tingk mi a chrai fi se? Unu tingk se mi a se dat di fuud we dem bon gi sakrifais tu di faalz gad dem wot notn? Ar se di faalz gad dem we dem a gi di sakrifais tu a riil sopm?

1 Korintiyan 10:19 ပူးပေါင်းရင်းမြစ်များ

1 Korintiyan 8:4

So den dis ting bout weda wi shuda iit ar no iit di fuud we piipl sakrifais gi faalz gad: di uol a wi nuo se dem faalz gad de no riili alaiv. An wi nuo se a onggl wan riil Gad de bout.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

1 Korintiyan 3:7

So di wan we plaant an di wan we waata, dem no impuotant. Di onggl wan we riili impuotant a di wan we kaaz unu fi gruo.

1 Korintiyan 1:28

Gad pik di wan dem we nobadi no tingk impuotant an we piipl luk dong pan. Im pik di wan dem we piipl tingk no wot notn so dat im kuda shuo di wan dem we tingk dem a sumadi se dem a riili nobadi.

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

Aks 19:26

An unu si an ier fi unuself ou di wan Paal a get piipl fi biliiv se di gad dem we man mek wid dem an a no gad at aal. An dat naa jos apm iina Efisos, it a apm aal uova Iezha.

1 Korintiyan 10:14

So mi gud gud fren, no worship no faalz Gad — ron we fram dem sitn de.