1 Korintiyan 10:17 - Di Jamiekan Nyuu Testiment

¹⁷ So a onggl wan bred de bout an aal a wi ton wan badi wen di uol a wi iit da bred de.

1 Korintiyan 10:17 ပူးပေါင်းရင်းမြစ်များ

Ruoman 12:5

a siem so, a nof a wi, bot di uol a wi mek op wan badi kaaz wi an Krais Jiizas a wan. Di uol a wi difrant bot wi jain op tugeda an wi bilang tu wi wan aneda.

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.

1 Korintiyan 12:27

Nou unu mek op Jiizas Krais badi, evri wan a unu a paat a im badi.

1 Korintiyan 12:12

Jos laik ou di badi av nof difrant paat, an yu niid aal a dem paat de fi mek op di badi, a siem so Krais Jiizas tan.

Ifiijan 4:25

So den, unu fi tap tel lai. Mek aal a wi taak di chuut tu wi wan aneda, kaaz di choch komiin laik wan badi, an aal a wi a paat a it.

Ifiijan 4:16

Di ed kanchuol di difrant paat dem pan di badi. An di jaint dem mek di difrant badi paat dem kanek op iina wan fi faam wan badi. Ef aal a di paat dem pan di badi du wa dem fi du, di badi wi gruo chrang. A siem so it go iina di choch. Wen evribadi du we dem supuoz fi du, di piipl dem iina di choch wi gruo chrang wid lov iina dem aat.

Ifiijan 4:4

Aal a wi a wan badi an a onggl wan Uoli Spirit de, we liv iina wi. Gad kaal aal a wi tu im di siem wie. An aal a wi we Gad kaal a luk fi get di siem sitn fram im we im kaal wi fa.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Koloshan 2:19

Jiizas Krais a di ed, an dem no diil wid di ed no muo. A di ed kanchuol di badi. An di uol badi dipen pan it. Di ed mek di jaint an di mosl dem kom tugeda, an a dem uol op di badi. A dat mek evri paat a di badi wok tugeda, an so di badi gruo ou Gad waahn it fi gruo.

1 Korintiyan 10:21

Yu kyaahn a jringk fram di Laad kop an a jringk fram diiman kop tu. An yu kyaahn a nyam a di Laad tiebl an den go nyam a di diiman tiebl.