1 Korintiyan 1:9 - Di Jamiekan Nyuu Testiment

⁹ Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

1 Korintiyan 1:9 ပူးပေါင်းရင်းမြစ်များ

2 Tesaluoniyan 3:3

Bot, memba se Gad wi aalwiez du wa im se im a-go du. Im a-go mek unu aat chrang, an im wi protek unu fram di wikid wan.

Iibruu 10:23

Mek wi uol aan chrang an gwaan biliiv se wi a-go get di sitn dem we Gad se im a-go gi wi — a dat wi tel di worl se wi biliiv. So mek wi uol aan pan dat an no staat tingk sitn els. A Gad pramis wi, an wat-eva im pramis fi du, im a-go du fi chuu.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

1 Korintiyan 10:13

Di siem sin dem we unu a chogl wid, evribadi els a chogl wid dem tu. Bot Gad gud, im naa go mek yu fies no sin an no gi yu wan wie fi diil wid it — im naa go gi yu muor dan yu kyan manij.

Ruoman 8:28

Wi nuo se aal di piipl we lov Gad an we Gad kaal fi tek paat iina im plan, wi nuo se Gad wok wid dem fi mek shuor se no mata wa apm, evriting wok out fi fi dem gud.

Revilieshan 19:11

Wen mi luk, mi fraitn fi si evn uopm op an wan wait aas tan op im infronta mi. An di sumadi we did a raid di aas niem di Wan we Aalwiez Sorv Gad an we Evribadi Kyan Chos. Im du wa rait wen im joj piipl an waar gens im enimi dem.

1 Jan 1:7

Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.

2 Korintiyan 1:18

Wi kyan chos Gad, im no lai, an im a wi witnis kaaz wi neva tel unu “yes” an den likl afta dat tel unu “nuo.”

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

1 Jan 4:13

Gad gi wi im Spirit. Dis shuo se wi liv iina im an im liv iina wi.

Iibruu 11:11

Aal wen Siera neehn av no pikni, an did paas di taim fi av biebi, an Iebriyam did tuu oul fi gi ar non, im chos se Gad wuda kip im pramis an so Gad mek Iebriyam kuda gi ar biebi.

Ruoman 9:24

Wi a dem piipl de. Gad kaal wi, an a no jos piipl we a Juu im kaal, im kaal piipl we a no Juu tu.

Ruoman 8:30

An di piipl we Gad maak, im kaal fi bi im piipl. An di piipl we im kaal, Gad put tingz rait bitwiin im an dem. An di piipl we Gad put tingz rait wid, Gad wi mek dem muor an muor laik im.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

2 Tesaluoniyan 2:14

Gad did kaal unu fi get siev fram di taim wen wi did kom tel unu di Gud Nyuuz. Im kaal unu so unu kyan kom get som a di ana we wi Laad Jiizas Krais av.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.

Matyu 24:35

Evn an ort naa go de bout fi eva, bot fi mi wod a-go laas fi eva.

Gyalieshan 1:15

Bot Gad gud an kain tu mi. Im pik mi fram mi baan an im kaal mi fi du im wok. An wen im did redi

1 Korintiyan 10:16

Di kop we wi yuuz wen wi av Laad sopa an we wi gi Gad tangks fa: wen wi jringk fram it wi naa tek paat iina wa Jiizas Krais did du fi wi wen im blod bliid out pan di kraas? An wen wi brok di bred a no tek wi a tek paat iina im badi tu?

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Ruoman 11:17

Bot ef som a di branch dem brok aaf, an dem tek unu, unu we a wan wail piis a aliv shuut, an bod di aliv chrii so dat unu kyan liv aafa di gud sitn dem we kom fram di ruut,

1 Tesaluoniyan 2:12

Wi gi unu gud wod, wi gi unu chrent an wi kip aan a beg unu fi liv laik Gad piipl. Kaaz a im kaal unu iina fi im kindom an kaal unu fi kom nuo ou big an powaful im bi.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

2 Timoti 2:13

Ef wi ton wi bak pan im, im stil naa ton im bak pan wi. Kaaz Jiizas Krais kyaahn gwaan laik im no nuo uu im bi.