1 Korintiyan 1:4 - Di Jamiekan Nyuu Testiment

⁴ Mi eva gi Gad tangks fi aal we im du fi unu. Kaaz unu an Jiizas Krais a wan, im shuo unu lov iivn duo unu no dizorv it.

1 Korintiyan 1:4 ပူးပေါင်းရင်းမြစ်များ

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

1 Timoti 1:14

Jiizas Krais wi Laad did shuo mi lov iivn duo mi neva dizorv it at aal at aal. Im kaaz mi fi biliiv iina im an fi lov piipl.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 14:16

An mi a-go aks mi Faada fi sen wan neda sumadi fi elp unu an de wid unu aal di taim.

1 Korintiyan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Jan 14:14

Unu kyan aks mi fi eniting kaa unu a mi falara, an mi wi gi'it tu unu.

Jan 10:30

Mi an di Faada a wan an di siem.”

Aks 21:20

Wen dem ier dis, dem priez Gad. Den dem se tu im se, “Breda, yu si di touzn an touzn a Juu iina Jeruusilem we biliiv iina Jiizas, an aal a dem biliiv an fala di Laa dong tu di laas leta.

Matyu 19:11

So Jiizas ansa bak, “A no evribadi kyan tek wa mi jos se yu no — dat a no fi evribadi; a fi onggl uu it go fa.