1 Korintiyan 1:29 - Di Jamiekan Nyuu Testiment

²⁹ Im du dat, so nobadi kyan kom tu im a buos bout ou dem waiz an ou dem impuotant.

1 Korintiyan 1:29 ပူးပေါင်းရင်းမြစ်များ

Ruoman 3:27

So den, wa wi av fi brag an buos bout? Notn at aal! Wa? Unu tingk se wi kyan go buos bout se wi a fala di Laa? Afta Gad no mek tingz rait bitwiin im an piipl kaaz dem a fala di Laa, Gad onggl mek tingz rait bitwiin im an piipl kaaz dem biliiv iina Jiizas.

Ifiijan 2:9

Nobadi kyaahn brag an buos se Gad siev dem siek-a wa dem du.

1 Korintiyan 4:7

Kaaz a uu mek unu beta dan enibadi els? Wa unu av we a no get unu get it? An ef a get unu get it, mek unu a buos laik se a no get unu did get it?

1 Korintiyan 1:31

So, mek wi fala wa rait dong iina Gad wod, “Ef nobadi a-go buos bout notn, mek dem buos bout wa di Laad du fi dem.”

Ruoman 15:17

So kaaz mi an Krais Jiizas a wan, mi kyan proud a di wok we mi a du fi Gad.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

1 Korintiyan 5:6

Unu no fi buosi-buosi. A no gud sopm dat! Unu no nuo se a onggl wan likl bit a yiis yu niid fi mek di uol a di duo swel op?

Ruoman 4:2

Ef Gad did mek tingz rait bitwiin im an Iebriyam, kaaz a di sitn dem we Iebriyam did du, den Iebriyam wuda av nof fi buos bout, bot im kudn buos infronta Gad.