1 Korintiyan 1:24 - Di Jamiekan Nyuu Testiment

²⁴ Bot yu si di piipl dem we Gad kaal fi bi im pikni, weda dem a Juu ar dem a no Juu, da mesij de shuo ou Gad powaful an ou im waiz.

1 Korintiyan 1:24 ပူးပေါင်းရင်းမြစ်များ

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Koloshan 2:3

A im wan kyan mek unu andastan di chrezha dem we Gad did aid. Dem chrezha de wi mek unu waiz an kyan andastan, an riili nuo bout Gad. Kaaz a iina Krais Jiizas dem chrezha de de.

1 Korintiyan 1:18

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

Ruoman 1:16

Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.

Ruoman 1:4

Jiizas Krais wi Laad a Gad Uoli Bwai Pikni. An iivn duo im kom fram Dievid fambili, Gad shuo klier klier se im a im Bwai Pikni an gi im im powa wen im mek Jiizas kom bak alaiv.

Ruoman 9:24

Wi a dem piipl de. Gad kaal wi, an a no jos piipl we a Juu im kaal, im kaal piipl we a no Juu tu.

Luuk 7:35

Di piipl we fala di rait wie pruuv se Gad waiz an im wie rait.”

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

Luuk 11:49

Siek-a dis, Gad we waiz iina evri wie se, ‘Mi wi sen prafit an apasl gi dem, bot dem wi kil som, an dem a-go mek som a dem sofa.’

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.