1 Korintiyan 1:2 - Di Jamiekan Nyuu Testiment

² Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

1 Korintiyan 1:2 ပူးပေါင်းရင်းမြစ်များ

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 15:9

Gad shuo se wi no difrant fram dem. Im paadn dem fi dem sin kaaz dem biliiv iina im.

Aks 18:1

Afta dat Paal lef Atenz an go a Korint.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

Aks 9:14

An im get di powa an di rait fram di ed priis fi kom dong ya kom ares enibadi we kaal pan yu niem.”

Aks 9:21

An aal a di piipl we ier im shak. So dem staat fi aks dem wan aneda se, “A no da siem man ya did a chrai fi kil aaf di piipl dem iina Jeruusilem we worship Jiizas? A no im kom dong ya fi ares piipl an kyari dem go baka di ed priis?”

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ruoman 10:12

an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

Ruoman 8:28

Wi nuo se aal di piipl we lov Gad an we Gad kaal fi tek paat iina im plan, wi nuo se Gad wok wid dem fi mek shuor se no mata wa apm, evriting wok out fi fi dem gud.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

1 Korintiyan 12:27

Nou unu mek op Jiizas Krais badi, evri wan a unu a paat a im badi.

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Gyalieshan 1:2

A mi an di uol a di breda dem we de ya wid mi a rait da leta ya, an it a fi aal a di piipl dem we go di choch dem iina Gyaliesha.

Ifiijan 5:26

Jiizas gi op im laif pan di kraas, so dat im kuda mek di choch kliin an set ar wan said fi Gad. A di Gud Nyuuz we powaful dat im tek wash ar an mek ar kliin.

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 4:7

Kaaz Gad neehn kaal wi fi wi dabl iina seks sin, bot fi liv kliin.

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

1 Timoti 3:15

In kies sitn uol mi bak mi a rait fi mek yu nuo ou piipl we a paat a Gad fambili mos biyiev. Gad fambili a di choch an di choch a fi Gad we liv fi eva an eva. Di choch sopuot an uol op di chuut jos laik ou di foundieshan an di kaana puos uol op wan bildin.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

2 Timoti 2:22

So ron we fram di wikid sitn dem we di yong piipl dem waahn fi du an chrai aad aad fi du we rait. Yu mos liv ou Gad waahn yu fi liv an yu fi shuo lov an tek taim wid ada piipl. Chos iina Jiizas an no gi op. Timoti dis a wa yu fi du. An aal a di piipl dem we worship Gad wid wan kliin aat fi du it tu.

Iibruu 10:10

An siek-a dat, di uol a wi ton kliin iina Gad yai. Im sakrifais im uona badi jos wan dege-dege taim an dat kova evriting.

Iibruu 13:12

A siem ting riich Jiizas. Im did sofa outsaida di kyamp tu, jos fi mek di piipl dem kliin fram sin wen im yuuz fi im uona blod.

Iibruu 2:11

Di tuu a dem kom fram wan fambili: di wan we mek piipl gud an kliin an di piipl dem we a ton gud an kliin. So chuu dat, Jiizas no shiem fi se dem a im breda an sista dem.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Revilieshan 19:16

Pan im lang jakit an pan di tap paat a im fut im av wan niem rait dong: KING UOVA AAL A DI KING DEM AN LAAD UOVA AAL A DI LAAD DEM.