1 Korintiyan 1:13 - Di Jamiekan Nyuu Testiment

¹³ Krais Jiizas, fi im badi kot op kot op iina piis? A uu ded pan di kraas fi unu? Paal? A uufa niem dem baptaiz unu iina? Paal?

1 Korintiyan 1:13 ပူးပေါင်းရင်းမြစ်များ

Ifiijan 4:5

A onggl wan Laad Jiizas Krais de. Aal a wi biliiv wan chuut an aal a wi get baptaiz fi wan riizn.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

1 Korintiyan 10:2

Wen dem waak anda da kloud de an kraas di sii, it komiin laik se dem did baptaiz an ton wan wid Muoziz, siek-a aal a wa dem go chuu.

Aks 19:5

Wen dem ier wa Paal se, dem get baptaiz iina Jiizas niem.

Aks 10:48

So Piita gi aada fi dem get baptaiz iina Jiizas Krais niem. Den di piipl a Kaaniiliyos ous aks im fi stie wid dem fi a likl wail.

Gyalieshan 1:7

Dem ada mesij de a no di chuu mesij — a onggl wan chuu mesij de bout. Bot yu av som piipl we a kanfyuuz unu an we waahn fi chienj op di chuu mesij bout Krais Jiizas.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

1 Korintiyan 1:15

So non a unu kyaahn se a fi mi niem unu get baptaiz iina.

Ruoman 14:9

A dat mek Krais Jiizas did ded an den kom bak alaiv; im du dat so dat im wuda bi Laad uova evribadi — Laad fi di piipl we ded an Laad fi di piipl we alaiv.

Aks 8:16

(Kaaz di Uoli Spirit neva tek kanchuol a non a dem yet. Filip did onggl baptaiz dem kaaz dem did biliiv di Gud Nyuuz bout Jiizas.)

Matyu 3:6

an wen dem taak infronta evribadi bout aal a di rang sitn we dem du, an ou dem sari se dem du dem sitn de, im baptaiz dem iina di Jaadn Riva.