1 Jan 5:18 - Di Jamiekan Nyuu Testiment

¹⁸ Wi nuo se nobadi we baan Gad pikni no jos kip aan a sin so. Gad Bwai Pikni kip dem sief, so di devl kyaahn toch dem.

1 Jan 5:18 ပူးပေါင်းရင်းမြစ်များ

Matyu 5:37

Ef a ‘yes’ unu a se, se ‘yes’ an don, ef a ‘nuo’ — den se ‘nuo’ an don. Ef unu put notn muo pan dat, a siek-a di wikid wan.

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Jan 1:13

Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.

Jan 14:30

Mi naa go taak tu unu fi moch langga, kaa di ruula fi da worl ya de pan im wie a kom. Im no av no powa uova mi.

Jan 15:4

Tan wid mi, an mi wi tan wid unu. Wan branch kyaahn bier fruut pan it uon; it afi tan pan di chrii. A siem wie unu naa go kyan bier fruut ef unu no tan wid mi.

Jan 15:7

Ef unu tan pan mi an ef wa mi se tan iina unu, aks fi eniting unu waahn, an unu wi get it.

Jan 15:9

Mi lov unu jos laka ou mi Faada lov mi. No ton we fram di lov we mi av fi unu.

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Jiemz 1:18

Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

1 Piita 1:23

Unu fi du dis, kaaz nou, unu no jos baan fram unu mada an faada we kyan ded, bot da taim ya unu baan fram Gad — an da siid ya kyaahn ded. Unu baan fram Gad siek-a im wod we alaiv fi chuu, an we a-go liv fi eva an eva.

1 Jan 2:29

Unu nuo se Krais Jiizas du we rait aal di taim, an dat evribadi we du rait a Gad pikni.

1 Jan 3:12

Wi no fi tan laik Kien we did mek di devl ruul im an mek im go kil aaf im breda. An wa mek yu tingk im kil im breda, iihn? Kaaz im breda du wa rait an Kien, im du wikidnis.

1 Jan 3:3

Evribadi we biliiv se Jiizas a-go mek dem jos laik imself, kip we fram sin, jos laik ou Jiizas kip we fram sin.

1 Jan 3:9

Nobadi we a Gad pikni kyaahn jos a sin a galang so, kaaz Gad laif de iina dem. Dem kyaahn jos gwaan iina sin so, kaaz dem a Gad pikni.

1 Jan 4:6

Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.

1 Jan 5:1

Enibadi we biliiv se Jiizas a riili di Krais, dem a Gad pikni. An evribadi we lov di Faada lov im pikni tu.

1 Jan 5:15

Sins wi nuo se Gad ier wi prieya, wi shuor se wi prieya dem don ansa aredi.

1 Jan 5:19

Wi nuo se wi bilang tu Gad an dat di devl kanchuol di uol worl.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

1 Jan 5:21

Mi pikni, kip unuself fram faalz gad.

1 Jan 5:4

Kaaz wen wi chos iina Jiizas, Gad gi evri wan a wi we a im pikni di powa fi no gi iin tu di wikid sitn dem we iina di worl.

Juud 1:21

Tan iina Gad lov an gwaan wiet fi Jiizas kom an mek wi liv fi eva, kaaz a dat im a-go du, kaaz im so gud an kain tu wi.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.